19 Ноябр 2026,
панҷшанбе, 01:31, Душанбе
20.07.2025 17:28

Рушди рӯзафзуни сайёҳӣ дар Бадахшон. Беш аз 17 ҳазор гардишгар ба вилоят ворид шуданд

Дар шаш моҳи аввали соли 2025 17 ҳазору 921 нафар сайёҳ ба Вилояти Мухтори Кӯҳистони Бадахшон ворид шуда, бо маконҳои таърихиву фарҳангӣ, табиати нотакрор ва чашмаҳои шифобахши ин минтақа ошно шудаанд.

Дар ин хусус, мақомоти иҷроияи ҳокимияти давлатии вилоят ба “Ховар” иттилоъ доданд.

Бадхашон бо кӯҳҳои сарбафалак, сабзазорҳои кӯҳӣ, кӯлҳои мусаффо ва мардумони меҳмоннавоз сол ба сол таваҷҷуҳи бештари сайёҳони дохиливу хориҷиро ҷалб мекунад.

Манзараҳои табиӣ ва мероси этнографии нодир ин вилоятро ба як макони ҷолиби гардишгарӣ дар сатҳи миллӣ ва байналмилалӣ табдил додаанд.

Президенти Тоҷикистон Эмомалӣ Раҳмон дар суханронии худ рӯзи 28-уми июн дар мулоқот бо фаъолони вилоят таъкид намуданд, ки Бадахшон яке аз минтақаҳои нотакрор ва дорои имконоти васеи рушди сайёҳӣ ба шумор меравад.

Президенти Тоҷикистон таъкид намуда буданд, ки бо мақсади рушди соҳаи сайёҳӣ зарур аст, инфрасохтор, сатҳи хизматрасонӣ ва шабакаҳои коммуникатсионӣ беҳтар гарданд.

Ба ин тартиб, роҳбарияти маҳаллӣ вазифадор шудааст, ки ҳамоҳанг бо вазорату идораҳои марбута барномаҳои мукаммали дастгирии сайёҳиро татбиқ намояд.

Таҳлилгарон мегӯянд, рушди устувори туризм дар Бадахшон метавонад ба эҷоди ҷойҳои нави корӣ, афзоиши даромади аҳолӣ ва таблиғи имконоти фарҳангию табиии кишвар мусоидат кунад. Ҳамчунин, ин раванд метавонад бахши муҳимми иқтисоди “сабз” дар Тоҷикистонро тақвият бахшад.

Dialog.TJ 

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.