Антониу Гутерриш, дабири кулли Созмони Милали Муттаҳид, эълон кардааст, ки ҳатто пас аз поёни маъмурияташ ба ҳайси дабири кулли ин созмон, ба ҳимоят аз сулҳ, каромати инсонӣ ва волоияти қонун идома хоҳад дод.

Гутерриш рӯзи ҷумъа, 25-уми сентябр, дар саҳифаи корбарии худ дар шабакаи иҷтимоии “Х” навиштааст, ки камтар аз 100 рӯзи дигар аз маъмурияти ӯ ба ҳайси дабири кулли Созмони Милали Муттаҳид боқӣ мондааст ва ӯ дар ин муддат низ “руҳияи азму ирода” хоҳад дошт.

Ӯ афзудааст, ки пойбандӣ ба арзишҳои Созмони Милали Муттаҳид аз ҳар мансабе болотар аст ва фаротар аз ҳар унвоне идома хоҳад ёфт.

Дабири кулли Созмони Милали Муттаҳид таъкид кардааст, ки пас аз поёни маъмурияташ низ ба эътиқоди худ бар имконпазир будани сулҳ, ҷаҳонӣ будани каромати инсонӣ ва зарурати волоияти қонун идома хоҳад дод.

Гутерриш ҳамчунин, гуфтааст, ки ояндаи муштараки башарият арзиши мубориза барои онро дорад ва таъкид кардааст: “Ман ҳаргиз, ҳаргиз таслим нахоҳам шуд”.

Dialog.tj