Ҷабҳаи озодии Афғонистон эълон кардааст, ки дар пайи ҳамлаи низомии неруҳои ин ҷабҳа дар вилояти Сарипули Афғонистон, панҷ ҷангҷӯйи Толибон кушта ва захмӣ шудаанд.

Ин ҷабҳа рӯзи ҷумъа, 25-уми сентябр, бо нашри хабарномае гуфтааст, ки неруҳои онҳо тақрибан соати 10:00-и шаби панҷшанбеи гузашта ба ҳавзаи якуми ҷангҷӯёни Толибон дар маркази Сарипул ҳамла кардаанд.

Ҷабҳаи озодии Афғонистон гуфтааст, ки дар натиҷаи ин амалиёт се ҷангҷӯйи Толибон кушта ва ду нафари дигари ин гурӯҳ захмӣ шудаанд.

Бар асоси хабарнома, ин ҳамла замоне анҷом шудааст, ки шуморе аз ҷангҷӯёни Толибон дар дохили ин ҳавза ҷамъ омада буданд.

Ин ҷабҳа дар бораи талафоти эҳтимолии неруҳои худ ва чигунагии анҷоми ин ҳамла ҷузъиёти бештаре пешниҳод накардааст.

Ин дар ҳолест, ки ҷабҳаҳои мухолифи гурӯҳи террористии Толибон, аз ҷумла Ҷабҳаи озодии Афғонистон, ҳамлаҳои худро алайҳи ин гурӯҳ афзоиш додаанд ва дар як рӯйдоди дигар аз кушта ва захмӣ шудани се ҷангҷӯйи Толибон дар Кобул хабар дода буданд.

Dialog.tj