19 Ноябр 2026,
панҷшанбе, 01:31, Душанбе
29.06.2026 16:19

Буҳрони энержӣ дар Аврупо: захираҳои газ ба камтарин сатҳ расид

Таъсисоти захираи гази Иттиҳоди Аврупо барои истифода дар моҳҳои сарди сол ба таври комил пур нашудаанд ва бо расидан ба камтарин сатҳ, ки дар 15 соли гузашта бесобиқа будааст, буҳронеро дар бахши энергетикии ин қитъаи олам рақам задааст.

Рӯзномаи “Файненшл Таймз” навишт: “Аврупо бо камтарин сатҳи захираи газ вориди фасли гармо шуд: мавзуе, ки таҳдидкунандаи афзоиши нархи ин маҳсулот барои соҳибони касбу кор ва хонаводаҳо дар зимистони пешорӯ аст”.

Бар асоси пешбинии ширкати машваратии “Wood Mackenzie”, интизор меравад таъсисоти захирасозии газ дар Иттиҳоди Аврупо фасли ҳаётии таҷдиди захираҳои газро, ки маъмулан аз моҳи апрел то октябр идома дорад, танҳо бо 76 дарсади зарфият ба поён расонанд. Тибқи иттилои ниҳоди Зерсохти гази Аврупо, ин омор поинтарин сатҳи авҷи захирасозии газ, дастикам аз соли 2011 то кунун хоҳад буд.

Камтарин сатҳи захираҳои газ дар Иттиҳоди Аврупо ба дунболи қатъи интиқоли гази табиии моеъ аз тангаи Ҳурмуз ва коҳиши тавлид аз ҷониби Қатар ва Иморот дар натиҷаи ҳамлаи Иёлоти Муттаҳида ва Исроил алайҳи Эрон ба вуҷуд омад.

Таъсисоти захирасозии Иттиҳоди Аврупо фасли таҷдиди захираҳоро танҳо бо 28 дарсади зарфияти худ, пас аз як зимистони сард оғоз карданд, ки барои ин давраи сол поинтар аз сатҳи маъмул маҳсуб мешавад.

Бар асоси гузориши Анҷумани аврупоии операторони зерсохторҳои газ, таъсисоти анбор ва захирасозии ин маҳсул акнун ба таври миёна 48 дарсад пур шудаанд.

Шохиси (индекси) гази Аврупо дар ҳоли ҳозир ҳудуди 40 евро барои ҳар мегаватт-соат аст, ки болотар аз пеш аз ҷанг алайҳи Эрон дар 28-уми феврал  мебошад. Бо вуҷуди афзоиши қимати ин маҳсулот дар ҳафтаҳои нахусти ин ҷанг, ин шохис дар муқоиса бо ҳамлаи Русия ба Украина дар соли 2022 поинтар будааст.

Таҷдиди захирасозии таъсисоти гази Аврупо дар моҳи апрел бо суръати кунд оғоз шуд, зеро нархи болотари газ ба ширкатҳо ангезаи камтаре барои ин кор медод. Комиссияи Аврупо рӯзи якшанбе эълом кард, ки сатҳҳои кунунии захираи газ нигаронии фаврӣ дар бораи амнияти энергетикиро эҷод намекунад.

Сухангӯи ин комиссия иддао кард, ки 80 дарсад захирасозӣ барои таъмини амни энергетика дар фасли зимистон кофӣ аст.

Комиссияи Аврупо ба аъзои худ тавсия кардааст, ки таъсисоти захирасозиро то 80 дарсад ва ё дастикам 75 дарсад пур кунанд, то фишор аз афзоиши нархҳоро коҳиш диҳанд.

Дан Йёргенсен, комиссари энергетикии Иттиҳоди Аврупо, рӯзи ҷумъа гуфт: “Мо барои итминон аз омодагӣ барои вуруд ба зимистони оянда ба сатҳи болотаре ниёз дорем ва мехоҳем ба ин ҳадаф ба гунае даст ёбем, ки дар кӯтоҳмуддат ба афзоиши нарх сабаб нашавад”.

Иттиҳоди Аврупо қасд дорад воридоти гази табиии моеъ аз Русияро, ки дар ҳоли ҳозир 14 дарсади кулли воридоти ин маҳсулот дар Аврупоро ташкил медиҳад, коҳиш диҳад. Ин тасмим қарор аст аз аввали январ ниҳоӣ шавад, ки худ чашмандози коҳиши газ дар зимистони Аврупоро тақвият мекунад.

Ба гузориши расонаҳо бо вуҷуди талоши кишварҳои аврупоӣ барои коҳиши воридоти газ аз Русия, мудири Маркази Билбаои Испания ба тозагӣ ҳушдор дод, ки Брюссел бояд мамнуияти воридоти гази табиии моеъ аз Русия то соли 2027-ро ба таъхир андозад, ки бо хатари вобастагии шадид ба Иёлоти Муттаҳида рӯбарӯ хоҳад шуд. Иван Хименес ба таъхир андохтани тарҳи мамнуияти гази Русия барои Иттиҳоди Аврупоро хостор шуд.

Брюссел воридоти гази LNG-и Русияро ба далели буҳрони Ховари Миёна афзоиш додааст.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.