Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Трамп: “Мумкин аст таҷҳизоти низомии боқимондаи Амрико дар Афғонистонро бозпас гирем”
Доналд Трамп, раисҷумҳури Амрико гуфтааст, ки мумкин аст таҷҳизоти низомии ин кишвар, ки пас аз хуруҷи нерӯҳои амрикоӣ дар соли 2021 дар Афғонистон боқӣ монда буд, дубора ба Амрико бозгардонда шавад.
Трамп рӯзи чоршанбе, 17-уми июн ин изҳоротро дар ҳошияи нишасти Гурӯҳи ҳафт (G7) ва дар посух ба суоли хабарнигорон баён кардааст.
Ӯ бо интиқод аз тарзи хуруҷи давлати Ҷо Байден аз Афғонистон гуфтааст, ки Вашингтон метавонист ҳамаи таҷҳизоти низомии худро аз Афғонистон берун кунад, аммо давлати пешини Амрико онҳоро дар ин кишвар раҳо кард.
Трамп афзудааст: “Мумкин аст ҳамаи он таҷҳизотро бозпас гирем. Ҳоло ин мавзуъ бештар ҷанбаи рамзӣ дорад, зеро ин таҷҳизот кӯҳна шудааст, аммо шояд ҳамаи онро баргардонем”.
Раиси ҷумҳури Амрико, ҳамчунин, гуфтааст, ки агар худи ӯ масъули хуруҷи нерӯҳо аз Афғонистон мебуд, ин равандро “бо иззат ва ифтихор” ва ҳамроҳ бо интиқоли пурраи таҷҳизоти низомӣ анҷом медод.
Бар асоси баровардҳои Вазорати дифои Амрико, пас аз хуруҷи нерӯҳои амрикоӣ дар августи 2021, таҷҳизоти низомӣ ба арзиши беш аз 7 миллиард доллар дар Афғонистон боқӣ монда буд, ки бахши умдаи он пас аз суқути ҳукумати пешин ба дасти гурӯҳи террористии Толибон афтод.
Давлати Ҷо Байден пештар гуфта буд, ки ин таҷҳизот дар ихтиёри неруҳои амниятии ҳукумати пешини Афғонистон қарор дошт ва пас аз фурӯпошии ҳукумат ба назорати Толибон гузашт.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард