Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Барои рушди кори почта дар Тоҷикистон 5 миллион доллар сармоягузорӣ мешавад
Байни Хадамоти алоқаи назди Ҳукумати Ҷумҳурии Тоҷикистон ва Ҷамъияти дорои масъулияти маҳдуди «Сервис и Технология» созишномаи шарикии давлат ва бахши хусусӣ оид ба татбиқи лоиҳаи «Рушди низоми почтаи Тоҷикистон: автоматикунонии раванди муросилоти почтавӣ» ба имзо расид.
Тавре ки Хадамоти алоқаи назди Ҳукумати Ҷумҳурии Тоҷикистон хабар медиҳад, созишномаи мазкур ба рушди инфрасохтори соҳаи почта ва ҷорӣ намудани низоми муосири автоматикунонии раванди муросилоти почтавӣ нигаронида шудааст.
Гуфта мешавад, ки ҳаҷми умумии сармоягузорӣ 5 миллион долларро ташкил дода, маблағгузории пурраи он аз ҳисоби ҶДММ «Сервис и Технология» таъмин мегардад.
Манбаъ меафзояд, ки татбиқи лоиҳа имкон медиҳад, ки сифати хизматрасониҳо беҳтар гардида, раванди коркард, ирсол ва назорати муросилот мутобиқ ба стандартҳои муосири байналмилалӣ ба роҳ монда шавад.
“Дар доираи лоиҳа хизматрасониҳои логистикӣ ва иҷрои фармоишҳо такмил ёфта, имконияти нав барои рушди савдои электронӣ ва густариши хизматрасониҳои рақамӣ фароҳам оварда мешавад”, - зикр мегардад дар иттилоияи Хадамоти алоқа.
Ҳамчунин, иттилоъ дода мешавад, ки дар натиҷаи татбиқи лоиҳа беш аз 150 ҷойи нави кор таъсис ёфта, зиёда аз 500 корманди соҳаи алоқаи почта ба равандҳои нав ҷалб карда мешаванд.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард