Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Интернети моҳворавии Starlink расман дар Тоҷикистон дастрас шуд
Бинобар иттилои Хадамоти алоқаи назди Ҳукумати Ҷумҳурии Тоҷикистон, расмиёти иҷозатномавӣ, техникӣ ва бақайдгирии давлатии таҷҳизоти интернети моҳворавии Starlink дар кишвар ба анҷом расида, аз 5-уми феврали соли ҷорӣ фаъолияти он расман дар Ҷумҳурии Тоҷикистон оғоз гардид.
Гуфта мешавад, ки ҳоло истифодаи расмии хизматрасониҳои интернети моҳворавии Starlink барои шаҳрвандон ва ташкилотҳо имконпазир аст.
“Харид, дастрас намудани таҷҳизот, инчунин маълумот оид ба шарту талабот ва тарофаҳои хизматрасонӣ аз ҷониби муштариён мустақиман аз сомонаи расмии Starlink.com дастрас карда мешавад. Нархи таҷҳизот ва тарофаҳои хизматрасонӣ аз ҷониби ширкати Starlink тибқи сиёсати тиҷоратии худ муайян мегардад”, - омадааст дар иттилоияи Хадамоти алоқаи назди Ҳукумати Ҷумҳурии Тоҷикистон.
Иттилоъ дода мешавад, ки истифодабарандагон метавонанд таҷҳизоти худро мустақилона дар сомонаи Starlink ба қайд гирифта, онро фаъол намоянд. Ҳангоми бақайдгирӣ маълумоти шахсӣ, аз ҷумла нусхаи шиноснома, силсила ва рақами шиноснома, рақами мушаххаси андозсупоранда (РМА), рақами телефон, инчунин маълумоти корти пардохт бо маблағи кофӣ барои пардохти хизматрасонӣ талаб карда мешавад.
Зикр мегардад, ки бақайдгирии истифодабарандагон ва таҷҳизоти Starlink аз ҷониби худи ширкати Starlink анҷом дода шуда, маълумоти зарурӣ дар доираи талаботи қонунгузории Ҷумҳурии Тоҷикистон ба мақоми ваколатдор пешниҳод мегардад.
Дар ин росто, Хадамоти алоқа раванди истифода ва фаъолияти хизматрасониро назорат намуда, дастрасии маълумоти заруриро барои мақсадҳои назоратӣ ва танзимӣ таъмин менамояд.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард