"Аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Ҳукумати Ҷумҳурии Тоҷикистон барои ворид кардани панелҳои офтобӣ, бахусус барои аҳолӣ, корхонаҳо ва дигарон имтиёзҳо дода шудааст".

Ин нуктаро Абдураҳмон Абдураҳмонзода, вазири рушди иқтисод ва савдои Ҷумҳурии Тоҷикистон дар нишасти матбуотии ниҳодаш ироа намуд.

Вазир вобаста ба мавзуъ илова намуд, ки панелҳои офтобӣ тибқи дастуру супоришҳои Ҳукумати Ҷумҳурии Тоҷикистон баъзе корҳои сохтмонӣ дар вилояти Хатлон ва Суғд барои 500 МВт оғоз гардидаад,  ки 250 МВт дар ноҳияи Ҷайҳун ва 250 МВт дар ноҳияи Ашт оғоз гардидаанд.

Тибқи иттилои Вазорат то соли 2027 Ҳукумати кишвар нақша дорад, ки ин нишондиҳандаҳо ба 1500 МВт расонад.

Абдураҳмон Абдураҳмонзода қайд кард, ки барои истифодабарандагони панелҳои офтобӣ хоҳ дар хонаҳои истиқоматӣ бошад ё корхонаҳо имтиёзҳо дар шакли пурра аз пардохтҳои боҷҳои давлатӣ озод карда шуда,  метавонанд аҳолӣ  истифода баранд ва барқи боқимондаро ба дигар самтҳо ба фурӯш гузорад. Ин имтиёзҳо барои сарфаҷӯии нерӯи барқ таъмин кардани аҳолӣ бо шароити хуби онҳо пешбинӣ шудааст.

Dialog.tj