Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Ҳукумати Британия санади сирии ҷосусии Чинро нашр кард
Ҳукумати Британияи Кабир рӯзи чоршанбе санад ва ҳуҷҷатҳоеро нашр кард, ки бар асоси он парвандаи ҷанҷолии иттиҳоми ҷосусӣ ба фоидаи Чин ба додгоҳ пешниҳод шуда буданд. Санади мазкур ҳоло баҳси нави сиёсиро барои ҳукумати Кир Стармер, сарвазири Британия ба вуҷуд овардааст.
Тибқи гузориши хабаргузории “Франс-пресс” Стармер зери фишори фазояндаи сиёсии Ҳизби мухолифи муҳофизакор фармон дод, ки се изҳорот ё баёнияи таҳияшуда аз сӯи Мэтю Кллинз, муовини мушовири амнияти миллии Британия дар дастрасии умум қарор гиранд. Ин санадҳо шоми чоршанбе дар сомонаи расмии ҳукумат нашр шудаанд.
Додситонии шоҳии Британия қаблан гуфта буд, ки сабаби боз доштани парванда камбудии далелҳоест, ки нишон медиҳад Чин дар ин давра таҳдиде барои амнияти миллии Британия буд. Ин давра ба ҳукумати Ҳизби муҳофизакор вобастагӣ дорад.
Дар охирин изҳорот Мэто Коллинз, ки ба моҳи августи соли 2025 бармегардад, омадааст, ки хадамоти иттилоотии Чин “бисёр қобилиятманд” аст ва “дар миқёси васеъ бар зидди Британия амалиёти ҷосусӣ мегузаронанд, то манофеи давлати Чинро пеш баранд ва ба амнияту манофеи Британия осеб расонанд”.
Коллинз дар идома огоҳӣ додааст, ки “фаъолияти ҷосусии Чин фаъолияти иқтисодӣ, устувории миллӣ ва сиҳатии ниҳодҳои демократии Британияро таҳдид мекунад”.
Нашри ин санадҳо бо интиқоди шадиди Ҳизби муҳофизакор рӯ ба рӯ шуд. Сухангӯи ин ҳизб гуфт: “Боиси таассуф аст, ки Сарвазир фақат пас аз фишорҳои фаровон водор ба нашри ин иттилооти ноқис шуд”. Ӯ гуфт, “парвандаҳои Чин бояд фавран ва комилан ошкор гардад, дар ғайри сурат доғи ин расвоӣ аз ҳукумати Стармер пок нахоҳад шуд”.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард