Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Меваҳои хушки Тоҷикистон дар намоишгоҳи Олмон муаррифӣ мешавад
13 корхонаи коркарди меваҳои хушк аз Ҷумҳурии Тоҷикистон дар бузургтарин намоишгоҳҳои байналмилалии маҳсулоти ғизоии “Anuga 2025”, ки аз 4 то 8-уми октябр дар шаҳри Кёлни Олмон доир мешавад, ширкат мекунанд. Дар ин хусус, Палатаи савдо ва саноати Ҷумҳурии Тоҷикистон хабар додааст.
Иштироки истеҳсолкунандагони тоҷик дар доираи лоиҳаи Маркази байналмилалии савдо таҳти унвони “Пешбурди савдо дар Шарқ: кишварҳои Балкан ва Осиёи Марказӣ”, ки аз сӯи Swiss Cooperation — Tajikistan маблағгузорӣ мешавад, ба роҳ монда шудааст. Ин ташаббус дар ҳамкорӣ бо Палатаи савдо ва саноати Тоҷикистон, ҳамчунин, барнормаҳои UNDP Aid for Trade (AfT) ва LITACA амалӣ мегардад.
Намоишгоҳи байналмилалии Anuga яке аз майдонҳои бонуфузтарини ҷаҳонӣ барои пешниҳоди маҳсулоти озуқаворӣ ва барқарор кардани робитаҳои тиҷоратӣ ба ҳисоб меравад. Иштирок дар он ба корхонаҳои тоҷик имкон медиҳад, ки маҳсулоти табиии худро муаррифӣ кунанд, шарикии нав барқарор созанд ва бо равандҳои ҷаҳонӣ аз наздик шинос шаванд.
Дар гӯшаи миллӣ (стенди Тоҷикистон) меҳмонон метавонанд бо навъҳои мухталифи меваҳои хушкшудаи Тоҷикистон шинос шаванд ва аз маззаи табиӣ ва нотакрори онҳо баҳра баранд. Тибқи интизорӣ, ин маҳсулот таваҷҷуҳи харидорону сармоягузорони эҳтимолиро ҷалб хоҳад кард.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард