19 Ноябр 2026,
панҷшанбе, 01:31, Душанбе
04.10.2025 16:35

Бонки рушди Авруосиё барои Душанбе платформаи рақамии харитаи электронӣ таъсис медиҳад

Бонки рушди Авруосиё ва Корхонаи воҳиди давлатии “Шаҳри ҳушманд” («Smart City») –и назди мақомоти иҷроияи ҳокимияти давлатии шаҳри Душанбе амалӣ кардани як лоиҳаи муштаракро барои таҳияи платформаи рақамии харитаи электронии шаҳр оғоз намуданд.

Ин лоиҳа бо дастгирии Фонди ташаббусҳои рақамии Бонки рушди Авруосиё роҳандозӣ гардида, мақсади он ташкили муҳити ягонаи рақамӣ барои идоракунии инфрасохтори шаҳр аст. Платформа ба мақомот имконият медиҳад, ки иттилооти наву муназзамро дар хусуси равандҳои асосии шаҳр дарёфт кунанд. Аз ҷумла, сухан дар бораи ҷамъоварии омор, идоракунии амволи коммуналӣ, фаъолияти хадамоти коммуналӣ, ҳисоботҳои андоз ва дигар ҷузъҳои низомии шаҳр меравад.

Тавре Бонки рушди Авруосиё хабар дод, ҷорӣ намудани ин платформаи рақамӣ қадами муҳим дар самти табдили рақамии Душанбе хоҳад буд. Ин иқдом бояд самаранокии қабули қарорҳои идоракуниро боло барад, шаффофияти равандҳои шаҳриро таъмин кунад ва сифати зиндагии сокинонро бо роҳи ба нақшагирӣ ва маниторинги дақиқ беҳтар кунад.

Дар доираи ин ташаббус, таҷрибаи муваффақи истифодаи технологияҳои харитасозии рақамӣ ва автоматизатсияи равандҳои идоракунӣ, ки дар кишварҳои дигар саҳмдорони БРА ҷамъ шудаанд, дар Тоҷикистон низ татбиқ хоҳад шуд. Ба андешаи таҳиягарон, чунин равиш раванди табдили рақамиро дар кишвар суръат мебахшад ва дар оянда имкони ташкили робитаҳои рақамии фаромарзиро фароҳам меорад.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.