19 Ноябр 2026,
панҷшанбе, 01:31, Душанбе
17.09.2025 16:51

Вазири иқтисоди Тоҷикистон бо намояндаи Хазинаи байналмилалии асъор дурнамои рушди иқтисод ва ислоҳотро баррасӣ кард

Вазири рушди иқтисод ва савдои Тоҷикистон Завқизода Завқӣ Амин рӯзи 17-уми сентябр бо Намояндаи доимии Хазинаи байналмилалии асъор (ХБА) дар Тоҷикистон Ғазӣ Шбайкат мулоқот анҷом дод. Дар ин дидор, ки дар Душанбе баргузор шуд, ҷонибҳо дурнамои рушди иқтисоди миллӣ ва татбиқи барномаҳои ислоҳотиро баррасӣ карданд.

Вазири иқтисод ҳамтои худро ба муносибати таъйин шуданаш ба вазифа табрик карда, барояш дар фаъолият муваффақият орзу кард. Завқизода таъкид кард, ки бо татбиқи пайдарпайи дастуру ҳидоятҳои стратегии Президенти кишвар Эмомалӣ Раҳмон ва барномаҳои ҳукумат, иқтисоди миллӣ дар шароити мураккаби ҷаҳонӣ рушди устуворро нишон медиҳад.

Ба иттилои Вазорати рушди иқтисод, танҳо аз январ то августи соли 2025 рушди иқтисоди кишвар таъмин гардида, ин натиҷа аз тадбирҳои саривақтии Ҳукумати кишвар ва амалӣ шудани барномаҳои афзалиятнок маншаъ мегирад.

Миёнаи суръати рушди ММД дар панҷ соли охир зиёда аз 8% ва ҳаҷми номиналии ММД соли 2025 ба 173,4 миллиард сомонӣ мерасад, ки қариб ду баробар аз соли 2020 зиёд аст. Ҳукумат барои солҳои 2026–2028 суръати рушди иқтисодро мутаносибан 8,5%, 8,3% ва 8,6% пешбинӣ кардааст.

Ҷонибҳо ҳамчунин, омодагии худро ба густариши ҳамкориҳои минбаъда таъкид намуда, масоили рушди соҳаҳои калидии иқтисоди миллӣ, такмили низоми банақшагирӣ, расмӣ кардани бахши ғайрирасмӣ ва татбиқи ислоҳоти сохториро баррасӣ карданд.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.