Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Маҷмуи маҳсулоти дохилии Тоҷикистон дар панҷ сол ду баробар афзоиш ёфтааст
Маҷмуи маҳсулоти дохилии Ҷумҳурии Тоҷикистон бо вуҷуди таъсири буҳрони иқтисодии ҷаҳонӣ дар панҷ соли ахир ду баробар афзоиш ёфта, ба 74,3 миллиард сомонӣ расидааст.
Дар ҷамъомади тантанавӣ ба ифтихори 34 – солагии Истиқлоли давлатӣ Вазири рушди иқтисод ва савдои кишвар Завқӣ Завқизода дар бораи дастовардҳои муҳимми иқтисодии солҳои ахир иттилоъ дод.
Зикр шуд, ки дар даврони истиқлол Тоҷикистон ба дастовардҳои назаррас дар таъмини рушди устувор ва баланд бардоштани сатҳи зиндагии мардум ноил шудааст.
Ба гуфтаи ӯ, новобаста аз таъсири буҳронҳои иқтисодии ҷаҳонӣ, маҷмуи маҳсулоти дохилии кишвар дар панҷ соли ахир 74,3 миллиард сомонӣ афзоиш ёфт, ки ин нишондиҳандаи афзоиши 2,2 баробар буда ва дар соли 2024 ба 153,4 миллиард сомонӣ расид.
Дар ин муддат суръати миёнаи рушди иқтисоди миллӣ 7, 7% буд (ба истиснои соли 2020, соли пандемияи Ковид-19) ва ин нишондиҳанда 8,5%-ро ташкил дод. Ин нишондод нисбат ба панҷ соли қаблӣ (2015-2020) 0, 7% - 1, 5% бештар аст.
Завқӣ Завқизода таъкид кард, ки дар нимаи нахустини соли 2025 низ нишондиҳандаҳои макроиқтисодӣ устувор монданд. Ҳаҷми Маҷмуи маҳсулоти дохилӣ ба 70, 8 миллиард сомонӣ расид ва суръати воқеии рушди он 8, 1% -ро ташкид дод.
Ба гуфтаи Вазири рушди иқтисод ва савдои Тоҷикистон Завқӣ Завқизода омилҳои афзоиши рушди иқтисод чунинанд:
-истеҳсоли молҳои саноатӣ 24%;
-сармоягузорӣ бар асоси фондҳо 14, 6%;
-хизматрасониҳои пулакӣ – 12, 8%4
-кишоварзӣ – 9, 7%;
-хизматрасонии нақлиётӣ – 9, 3%;
- савдо – 9%;
-нақлиёти мусофирбар – 5, 8%.
Дар идомаи суханронии худ Завқӣ Завқизода аз масъулин даъват намуд, ки суръати рушдро аз даст надиҳанд ва барои ҳифзи устувории нишондиҳандаҳои макроиқтисодӣ ва иҷрои вазифаҳои мушаххас талошҳои бештар намоянд.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард