Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Афзоиши воридоти мошинҳои барқӣ талабот ба гази моеъро коҳиш додааст
Дар Тоҷикистон дар пасманзари афзоиши шумораи мошинҳои барқӣ коҳиш ёфтани воридоти гази моеъ мушоҳида мешавад. Дар бораи ин масъала Хадамоти зиддиинҳисории назди Ҳукумати Ҷумҳурии Тоҷикистон хабар додааст.
Бар асоси иттилои расмӣ, дар нимсолаи аввали соли 2025 ба кишвар 176, 9 ҳазор тонна гази моеъ ворид шудааст, ки нисбат ба ҳамин давраи соли гузашта 18, 5 ҳазор тонна камтар мебошад.
Арзиши миёнаи як тонна гази моеъе, ки имсол ворид шудааст, 685 доллари Иёлоти Муттаҳидаи Амрикоро ташкил медиҳад, ки қариб бо нархи ҳамин давраи соли 2024 ба 681 доллар баробар аст. Дар сохтори таъминкунандагон, кишварҳои асосии содиркунандаи гази моеъ Русия (53, 1%) ва Қазоқистон (46, 9%) боқӣ мондаанд.
Ширкатҳои асосии воридкунандаи гази моеъ:
ҶДММ «Темур Ойл» — 27,8% аз ҳаҷми умумӣ;
ҶДММ «Аллат» — 15,1%;
ҶДММ «Газпромнефт – Тоҷикистон» — 9,6%.
Дар ҳамин ҳол Вазорати нақлиёти Тоҷикистон хабар медиҳад, ки ҳаҷми воридоти мошинҳои барқӣ дар ҳоли афзоиш аст. Дар соли 2024 ба кишвар тақрибан 18 ҳазор адад нақлиёти барқӣ ворид карда шуд ва фақат дар панҷ моҳи аввали соли ҷорӣ қариб 13 ҳазор адад нақлиёти барқӣ ворид шудааст.
Ҳамин тариқ, то 1-уми июни соли 2025 шумораи умумии мошинҳои барқӣ дар кишвар аз 34 ҳазор адад бештар шудааст. Ба гуфтаи коршиносон, гузариши аҳолӣ ба истифодаи мошинҳои барқӣ ба таври назаррас ба бозори гази моеъ таъсир мерасонад ва талабот ба ин навъи сӯзишвориро коҳиш дода, рушди инфрасохтори нақлиёти барқиро дар кишвар дигаргун менамояд.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард