Тоҷикистон дар нимсолаи аввали соли ҷорӣ ҳаҷми воридоти молу маҳсулотро ба 3,78 миллиард доллари Иёлоти Муттаҳидаи Амрико расонд, ки нисбат ба ҳамин давраи соли гузашта 10,5% бештар аст. Дар ин бора Вазорати рушди иқтисод ва савдои кишвар иттилоъ додааст.

Ба гуфтаи манбаъ, сабаби асосии афзоиши воридот дар навсозии истеҳсолот, пешбурди лоиҳаҳои нави инфрасохторӣ ва боло рафтани қобилияти харидории сокинон мебошад.

Дар сохтори воридот, хусусан, маҳсулоти зерин мақоми муҳим доранд: маводи ғизоӣ, воситаҳои нақлиёт, сӯзишворӣ, таҷҳизоти технологӣ, масолеҳи сохтмонӣ, чӯбу тахта, газ, нуриҳо ва маҳсулоти полиметрӣ.

Ба таъкиди коршиносон ҳадафи афзоиши воридот ҳимояи саноати дохилӣ ва таъмин кардани бозори кишвар бо маҳсулоти зарурӣ мебошад.

Dialog.tj