19 Ноябр 2026,
панҷшанбе, 01:31, Душанбе
31.07.2025 15:32

«Тоҷик Эйр» ба баҳси тулонӣ бо ширкати «Skyroad Leasing» хотима дод

“Ҷамъияти саҳомии кушодаи “Тоҷик Эйр" ба баҳси судии тӯлонӣ, ки бо ширкати литвагии UAB «Skyroad Leasing» дошт, нуқта гузошт. Сабабҳои ҳамакнун дар гузашта сард гаштани  муносибатҳои ду ширкати ҳавопаймоӣ -ҶСК «Тоҷик Эйр» ва  UAB «Skyroad Leasing” ин пайдо шудани баҳси судӣ ба хотири напардохтани маблағи аз рӯи шартномаи иҷораи басташудаи ҶСК "Тоҷик Эйр” буд”, гуфт Парвиз Шодмонзода, директори ҶСК “Тоҷик-Эйр" дар нишасти хабарии ин ширкат.  

Зимни идомаи суҳбаташ дар ин мавзӯъ аз оғози ба миён омадани норозигии тарафҳо ёдовар шуда, илова кард, ки соли 2009 дар байни ҶСК "Тоҷик Эйр" ва UАЕ «Skyroad Leasing» ду шартномаи ба иҷораи гирифтани ҳавопаймои Boeing 737 ва 500 ба имзо расида буд. ҶСК "Тоҷик Эйр" ин ҳавопаймоҳоро то моҳи майи соли 2013 барои иҷрои парвозҳои байналмилалӣ истифода мекард. Пас аз он ҶСК “Тоҷик Эйр" натавонист, ки маблағи иҷораи ин ҳавопаймоҳоро пардохт кунад ва бо ин сабаб ширкати UAB «Skyroad Leasing» иҷрои парвозҳоро бо ин ду ҳавопаймо боз дошт.

“Тибқи ҳалномаҳои судӣ, то аввали соли 2018 қарзи умумии ҶСК "Тоҷик Эйр" дар назди ширкати UAE “Skyroad Leasing" $ 23 млн ташкил дода, ҳамасола аз рӯи ин маблағҳо фоизҳо ва ҷаримаҳо ситонида мешуданд. Дар натиҷаи баҳсҳои судӣ соли 2024 қарзи умумии ҶСК «Тоҷик Эйр» дар назди ширкати UAB «Skyroac Leasing» ба $ 36,6 млн расид. Давоми соли 2024 роҳбарияти нави ҶСК «Тоҷик -Эйр» бо роҳбарияти ширкати UAB «Skyroad Leasing» вохӯрӣ ва гуфтушунид ба анҷом расонид ва дар натиҷаи ба мувофиқа расидани тарафҳо 8 январи соли 2025 созишномаи оштӣ баста шуд, ёдовар шуд Парвиз Шодмонзода.

Тибқи иттилои дарёфтӣ дар мурофиаи судӣ, ки 21 майи соли 2025 дар Суди арбитражии шаҳри Маскваи Федератсияи Россия бо иштироки тарафҳо баргузор шуда,  Созишномаи оштии байни ҳарду ширкат тасдиқ гардид. ҶСК «Тоҷик Эйр» маблағи ҳисоббаробаркуниро ба суратҳисоби бонкии UAB «Skyroad Leasing» интикол дод ва ду ҳавопаймо -Боинг-737 ва 500 ба моликияти ҶСК «Тоҷик Эйр» супорида шуд.

ҶСК «Тоҷик Эйр» баъди аз байн бурдани қарзҳои калон аз ширкати "Skyroad Lcasing” фаъолияти худро дар сатҳи байналмилалӣ аз нав оғоз намудааст.

Лозим ба ёдоварист, ки ду ҳавопаймои зикршуда, то соли 2025 ба моликияти ширкати UAB "Skyroad Lcasing” мансуб буданд.

Dialog.TJ

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.