Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Бо нархи арзон ва суръати баланд. Хадамоти алоқа аз пешравиҳои алоқаи мобилӣ гуфт
Масъулини Хадамоти алоқаи назди Ҳукумати Ҷумҳурии Тоҷикистон зимни нишасти хабарӣ аз поин рафтани арзиш ва баланд шудани суръати интернет дар кишвар хабар доданд.
“Дар натиҷаи тадриҷан беҳтар шудани сифати хизматрасонӣ ва танзими оқилонаи нархҳо, арзиши миёнаи интернет бо суръати 1 Мбит/с ба 17,63 сомонӣ коҳиш ёфта, нархи миёнаи 1 ГБ бастаи интернети мобилӣ ба 2,5 сомонӣ ё 0,25 доллари ИМА расонида шуд”, - гуфта шуд дар нишасти матбуотӣ, ки имрӯз, 23-юми июл доир гардид.
Афзуда шуд, ки аз 15-уми июли соли ҷорӣ суръати ҳадди ақали интернет ба 15 Мбит/с баробар гардида, то охири соли ҷорӣ суръати интернет ба 30 Мбит/с ва дар се соли оянда ин нишондод ба 100 Мбит/с расонида мешавад.
Гуфта шуд, ки дар ҳудуди ҷумҳурӣ шумораи умумии муштариёни пайвастшуда ба шабакаҳои алоқаи барқӣ 8,3 миллион нафарро ташкил медиҳад, ки аз ин теъдод 7,8 миллион муштариёни умумии алоқаи мобилӣ ва 5,6 миллион муштариёни фаъоли алоқаи мобилӣ мебошанд.
Шумораи умумии истифодабарандагони интернети мобилӣ ва собит 5,1 миллионро дар бар мегирад, ки аз ин шумора 4,9 миллион нафар муштариёни интернети мобилӣ мебошанд. Ин нишондод нисбат ба шаш моҳи қаблӣ 600 ҳазор нафар истифодабаранда зиёд шудааст.
Дар нишасти матбуотӣ иттилоъ дода шуд, ки мутобиқи нишондиҳандаҳои асосии иқтисодии корхонаҳои зерсохтори Хадамоти алоқа дар якҷоягӣ бо операторон ва провайдерони хусусӣ, дар ин давра даромади умумии сохторҳои соҳаи алоқаи барқӣ ба маблағи 2,4 миллиард сомонӣ расонида, нисбат ба ҳамин давраи соли 2024-ум 14,2 фоиз зиёд шудааст.
Dialog.TJ
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард