Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Дар Душанбе аввалин Форуми иқтисодии Осиёи Марказӣ баргузор шуд
22-уми июл дар шаҳри Душанбе аввалин Форуми байналмилалии иқтисодии Осиёи Марказӣ доир гардид. Дар кори он намояндагони кишварҳои минтақа, созмонҳои байналмилалӣ, коршиносони соҳа ва доираҳои соҳибкорӣ ширкат намуданд. Ин чорабинӣ бо ташаббуси Вазорати рушди иқтисод ва савдои Ҷумҳурии Тоҷикистон ва бо ҳамкории Шурои тиҷоратии Тоҷикистон ва Русия доир гардид.
Муовини Вазири рушди иқтисод ва савдо Аҳлиддин Нуриддинзода гуфт, ки Тоҷикистон сиёсати иқтисодии минтақавиро дар заминаи ҳамгироии устувор ва шарикии баробар бо кишварҳои ҳасмоя амалӣ мекунад. Ӯ афзуд, ки ҳамкории иқтисодии Осиёи Марказӣ ба рушди иқтисоди “сабз”, рақамикунӣ ва ҳамгироии саноатии кишварҳои минтақа асос ёфтааст.
Дар сессияи форум масъалаҳои муҳимми минтақаҳои озоди иқтисодӣ, паркҳои саноатӣ ва рақамӣ, ҳамчунин, рушди кластерҳои саноатӣ ва истифодаи платформаҳои рақамӣ мавриди баррасӣ қарор гирифт. Аҳлиддин Нуриддинзода дар ҷараёни суханронии худ ба зарурати мутобиқсозии қолабҳои ҳамкориҳо дар шароити нави иқтисодии байниминтақавӣ ва талаботи рушди устувор таъкид кард.
Сессияи дигар, ба масъалаҳои густариши ҳамкориҳои иқтисодӣ ба воситаи рақамикунонӣ, ширкати занон дар иқтисодиёт ва истифодаи оқилонаи захираҳои табиӣ бахшида шуда буданд.
Дар ҳошияи форум панҷ ёддошти созишномаи ҳамкорӣ миёни минтақаҳои озоди иқтисодӣ ва ниҳодҳои соҳибкорӣ ба имзо расиданд. Аз ҷумла, миёни минтақаҳои озоди иқтисодии “Кӯлоб” ва “Суғд” бо Шурои соҳибкорони Тоҷикистон ва Русия ва робитаҳои нави “Кӯлоб”, “Данғара” ва “Панҷ” бо минтақаҳои озоди иқтисодии “Навоӣ” шартномаи ҳамкорӣ ба имзо расид.
Dialog.TJ
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард