19 Ноябр 2026,
панҷшанбе, 01:31, Душанбе
10.07.2025 11:04

Эмомалӣ Раҳмон ва Садир Жапаров дар Форуми иқтисодӣ ва сармоягузорӣ ба рушди “иқтисоди сабз” ва гидроэнергетика таъкид карданд

Дар доираи сафари давлатии Президенти Ҷумҳурии Қирғизистон ба Тоҷикистон дар шаҳри Душанбе Форуми иқтисодӣ ва сармоягузории Тоҷикистону Қирғизистон доир гардид. Дар ин ҳамоиш сарони ду кишвар – Эмомалӣ Раҳмон ва Садир Жапаров ширкат намуда, дар ҳузури доираҳои соҳибкорию сармоягузорӣ суханронӣ намуданд.

Президенти Ҷумҳурии Тоҷикистон муҳтарам Эмомалӣ Раҳмон зимни суханронии худ афзоиши ҳаҷми гардиши мол миёни ду кишварро нишонаи равандҳои мусбати ҳамкорӣ арзёбӣ намуда, таъкид карданд, ки робитаҳои иқтисодӣ, фарҳангӣ ва гуманитарии ду ҷониб пайваста рушд меёбанд. Ба гуфтаи сарвари кишвар созишҳои бадастомада дар ин мулоқот заминаи боэътимоде барои рушди робитаҳои дуҷониба хоҳанд шуд, ки бар асоси принсипҳои ҳамсоягии нек ва дӯстии устувор бунёд ёфтаанд.

Форуми мазкур ҳамчун саҳнаи муаррифии имкониятҳои сармоягузории Тоҷикистон ва Қирғизистон хизмат карда, таваҷҷуҳи соҳибкоронро ба бахшҳои муҳимми тиҷорат, саноат, кишоварзӣ, молия, бонкдорӣ ва логистика ҷалб намуд. Эмомалӣ Раҳмон бо ишора ба фазои мусоиди сармоягузорӣ ва қонунгузории ҳимояткунандаи сармоя дар Тоҷикистон изҳор доштанд, ки барои фаъолияти соҳибкорон ва сармоягузорон имтиёзҳо ва кафолатҳои ҳуқуқӣ пешбинӣ шудаанд.

Дар идомаи суханронӣ Президенти Тоҷикистон ба зарурати ҳамкории муштарак дар рушди “иқтисоди сабз” ва соҳаи гидроэнергетика таъкид карда, афзуданд, ки сарчашмаҳои “энергетикаи сабз” на фақат барои Тоҷикистон ва Қирғизистон, балки барои тамоми минтақа аҳамияти стратегӣ доранд.

Ҳамчунин, сарвари кишвар ба рушди туризми кӯҳӣ, экология ва солимигардонӣ ҳамчун самтҳои дорои иқтидори бузурги ҳамкорӣ ишора карда, зарурати истифодаи ҳамаҷонибаи имконоти мавҷударо барои беҳбуди иқтисоди миллӣ ва сатҳи зиндагии мардумони ду кишвар зикр карданд.

Форуми сармоягузорӣ бо мавқеъгирии рӯшан оид ба дурнамои рушди мутақобилаи минтақа ба анҷом расид, ки онро метавон қадами муҳимме дар роҳи таҳкими шарикии стратегии Тоҷикистон ва Қирғизистон донист.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.