19 Ноябр 2026,
панҷшанбе, 01:31, Душанбе
10.07.2025 07:29

Тоҷикистон расман хостори пайвастан ба лоиҳаи роҳи оҳани Чин-Қирғизистон-Ӯзбекистон шуд

Ҷумҳурии Тоҷикистон ба таври расмӣ хоҳиши пайвастан ба лоиҳаи стратегии роҳи оҳани Чин-Қирғизистон-Ӯзбекистонро иброз доштааст. Ин иқдом, ки ҳадафаш густариши ҳамбастагии нақлиётӣ миёни Осиёи Марказӣ ва Ҷанубӣ аст, дар ҳошияи нишасти вазирони нақлиёти кишварҳои узви Созмони ҳамкории Шанхай дар шаҳри Тянҷини Чин матраҳ гардид.

Вазири нақлиёти Тоҷикистон Азим Иброҳим дар мулоқот бо ҳамтои чинии худ Лю Вэй хостори ҳамроҳшавии Душанбе ба ин лоиҳаи бузург шудааст. Ин лоиҳа аз моҳи декабри соли 2024 дар шаҳри Ҷалолободи Қирғизистон оғоз шудааст ва қарор аст, Қошғари Чинро ба воситаи Тургарт, Макмол ва Ҷалолобод ба Андиҷони Ӯзбекистон пайваст кунад.

Роҳи 532 километрии CKU (China-Kyrgyzstan-Uzbekistan) иқтидори ҳамлу нақли 15 миллион тонна борро дар сол дошта, алтернативае барои пайвандҳои феълӣ бо Чин ба воситаи Қазоқистон маҳсуб меёбад.

Вазири нақлиёти Тоҷикистон дар суханрониаш таъкид кардааст, ки минтақаи Созмони ҳамкории Шанхай бояд ба ҳайси пули стратегӣ миёни Шарқ ва Ғарб, Шимол ва Ҷануб фаъол шавад. Ӯ ба зарурати таҳкими устувории занҷираҳои таъминотӣ, рақамикунонӣ, коҳиши партови карбон ва рушди логистикаи “сабз” таъкид намуд.

Аз ҷумла, Тоҷикистон ташаббусҳои навбатии зерини ҳамгироиро пешниҳод кард. Эҷоди платформаи рақамии ягона барои сода ва шаффоф кардани равандҳои нақлиётӣ миёни кишварҳои узи Созмони ҳамкории Шанхай; Рушди роҳравҳои байналмилалии транзитии Чин-Қирғизистон, Тоҷикистон- Афғонистон – Покистон то баҳри Ҳинд ва Чин-Тоҷикистон-Туркманистон-Эрон- Туркия то Аврупо; Тақвияти долони Транс-Каспӣ ва эҳёи инфрасохторҳои транзитии Афғонистон, ки барои боз кардани масирҳои нави тиҷоратии минтақавӣ ҳаётӣ арзёбӣ мешавад. 

Бар асоси созишномаи имзошудаи моҳи июни соли 2024 дар Пекин роҳи оҳани нав дар оянда метавонад ба гузаргоҳи муҳимми транзитии байниминтақавӣ ва ҳатто байни қитъавӣ табдил ёбад. Таъсири он на фақат ба кам кардани вобастагӣ аз долони Қазоқистон, балки ба болоравии аҳамияти геоиқтисодии Ӯзбекистон, Қирғизистон ва ҳоло Тоҷикистон равона хоҳад шуд.

Пайвастани Тоҷикистон ба ин лоиҳа метавонад на фақат имкониятҳои транзитии кишварро густариш диҳад, балки ба таҳкими ҷойгоҳи он дар нақшаи стратегии ҳамгироии минтақавӣ ва тиҷорати байниқитъавӣ мусоидат кунад.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.