19 Ноябр 2026,
панҷшанбе, 01:31, Душанбе
08.07.2025 11:35

Путин: “БРИКС дар ҳоли табдил шудан ба як қувваи ҷаҳонии воқеӣ аст”

Владимир Путин, президенти Федератсияи Русия дар як паёми видеоӣ ба Маҷлиси умумии гурӯҳи БРИКС дар шаҳри Рио-де Жанейро аз нуфуз ва иқтидори афзояндаи ин эътирофи иқтисодиву сиёсӣ сухан гуфт. Ба гуфтаи ӯ, БРИКС имрӯз дигар на фақат як платформаи минтақавӣ нест, балки ба як маркази таъсиргузори ҷаҳонӣ табдил меёбад, ки метавонад ҷойгузини сохторҳои суннатии ҷаҳонӣ шавад.

Путин таъкид кард, ки кишварҳои БРИКС ҳоло бо фарогирии сеяки масоҳати кураи замин ва 40 фоизи иқтисоди ҷаҳонӣ дорои иқтидори азими сиёсӣ, иқтисодӣ ва инсонӣ мебошад.

Путин дар паёми худ ба муқоисаи мустақим бо Гурӯҳи 7 - як эътилофи иқтисодии кишварҳои пешрафта ишора кард. Ба гуфтаи ӯ, тавлиди нохолиси миллии кишварҳои БРИКС аз рӯи қудрати харидорӣ ба 77 триллион доллар расидааст, дар ҳоле ки ҳамин нишондиҳанда барои G7 фақат 57 триллион доллар аст.

“Ин далел нишон медиҳад, ки маркази иқтисоди ҷаҳонӣ тадриҷан ба сӯйи кишварҳои рӯ ба рушд мегузарад” – таъкид намуд Владимир Путин.

Як бахши муҳимми суханронии Путин ба зарурати таъсиси системаи мустақил ва ҳисоббаробаркунӣ дар доираи БРИКС бахшида шуд. Ӯ пешниҳод кард, ки дар платформаи БРИКС як низоми молиявии алтернативӣ бо истифода аз асъори миллӣ таъсис ёбад.

Ба гуфтаи Путин саҳми рубли русӣ дар ҳисоббаробаркуниҳои байналмилалӣ бо кишварҳои БРИКС дар соли 2024 ба 90% расидааст, ки ин нишондиҳандаи рӯ овардан ба асъори миллӣ ва коҳиши вобастагӣ ба доллари амрикоӣ аст.

Президенти Русия пешниҳод кард, ки як платформаи сармоягузории БРИКС таъсис ёбад, ки ҳадафаш ҷалби сармоя барои кишварҳои узв ва ҳамчунин, кишварҳои Global South ва Шарқи рӯ ба рушд бошад.

“Мо бояд абзорҳои навро барои ҳимоят ва пуштибонӣ аз сармоя дар иқтисоди кишварҳои худ таҳия кунем. Ин як имконияти таърихист”- афзуд Путин.

Президенти Русия изҳор дошт, ки назми либералии ҷаҳонишавӣ дар ҳоли аз миён рафтан аст ва маркази иқтидори иқтисодӣ ва сиёсии ҷаҳон тадриҷан ба кишварҳои рӯ ба рушд, аз ҷумла аъзои БРИКС кӯч мекунад.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.