19 Ноябр 2026,
панҷшанбе, 01:31, Душанбе
25.06.2025 12:14

То соли 2032 Тоҷикистон ба кишвари истеҳсолкунандаи комили энержии сабз табдил меёбад

Коршиносон мегӯянд, Тоҷикистон дорои сарчашмаҳои бузурги истеҳсоли энергияи сабз буда, метавонад то соли 2032 комилан ба тавлидкунандаи энергияи сабз табдил ёбад. Дар ин бора коршиносон дар конфронси байналмилалии “Дидгоҳҳо дар бораи рушди энергияи барқароршаванда дар Ҷумҳурии Тоҷикистон”, ки дар шаҳри Душанбе баргузор мегардад, изҳори назар намуданд.

Бар асоси иттилои Вазорати энергетика ва захираҳои оби Ҷумҳурии Тоҷикистон, дар баробари захираҳои азими гидроэнергетикӣ кишвар ҳамчун дорои иқтидори бузурги офтобӣ ва бодӣ аст, ки то ҳол пурра истифода нашудааст. Ба ҳисоби мутахассисон иқтидори иқтисодии неруи офтобӣ 369 ҳазору 600 мегаватт ва неруи бодӣ 4 ҳазору 485 мегаваттро ташкил медиҳад.

Манучеҳр Сафарзода, муовини Вазири энергетика ва захираҳои оби Ҷумҳурии Тоҷикистон дар оғози ифтитоҳи конфронс гуфт, ки феълан фақат 5 фоизи захираҳои гидроэнергетикии Тоҷикистон истифода мешаванд. Ӯ таъкид кард, ки захираҳои мавҷудаи 527 миллиард киловатт соат дар як сол имкони таъмини на фақат Тоҷикистон, балки тамоми минтақа бо неруи барқи тозаро дорад.

Имрӯз Тоҷикистон дар миёни кишварҳои Осиёи Марказӣ аз ҷиҳати истеҳсоли энергияи сабз мақоми аз ҳама аввалро дошта ва дар раддабандии ҷаҳонӣ ҷои шашумро ишғол мекунад. Ба гуфтаи масъулон дар сурати иҷрои барномаҳои тарҳрезишуда кишвар метавонад то соли 2032 пурра ба истеҳсоли энергияи сабз гузарад.

Гуфта мешавад, ки ҳадафи баргузории конфронси мазкур таҳкими рушди сарчашмаҳои барқароршавандаи энергия, тарғиби сиёсати сарфаи энергия ва баланд бардоштани самаранокии энергетикӣ дар кишвар аст. Дар ин конфронс намояндагони вазоратҳо, марказҳои илмӣ-таҳқиқотӣ, ҷомеаи шаҳрвандӣ, олимону коршиносони ватаниву хориҷӣ ва шарикони рушд ширкат доранд.

Ёдовар мешавем, ки Тоҷикистон дар самти истифодаи захираҳои табиии барқароршаванда, хоса об ва нури офтоб имкониятҳои бузург дорад. Баргузор шудани чунин конфронсҳои сатҳи ҷаҳонӣ иқдоми устувор дар роҳи таъмини амнияти энергетикӣ ва расидан ба ҳадафҳои рушди устувор маҳсуб меёбад. Конфронс 23-уми июн оғоз гардида ва имрӯз ба анҷом мерасад.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.