Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Завқизода бо раҳбари нави Бонки рушди Олмон дар бораи об, тандурустӣ ва рушди устувор гуфтугӯ намуд
Завқизода Завқӣ, вазири рушди иқтисод ва савдои Ҷумҳурии Тоҷикистон бо директори тозатаъйини Бонки рушди Олмон дар Осиёи Марказӣ Петар Георгиев ва роҳбари собиқи он Андреас Шнайдер мулоқот намуд.
Вазир дар ҷараёни мулоқот ба Ҳукумати Федеративии Олмон ва роҳбарияти Бонки рушди Олмон барои ҳамкориҳои самарабахш дар тӯли солҳои гузашта ва саҳми арзанда дар рушди инфрасохтори иҷтимоиву сиёсии Тоҷикистон изҳори миннатдорӣ баён намуд.
“Бо шарофати сиёсати дурбинонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон равобити шарикӣ бо сохторҳои молиявии Олмон, аз ҷумла бо Бонки рушди Олмон босуръат рушд мекунад ва ба марҳилаи нави ҳамкорӣ ворид мегардад”- гуфт Завқизода Завқӣ.
Ду тараф ҷараёни татбиқи лоиҳаҳои муштараки мавҷударо баррасӣ карда, омодагии худро барои анҷоми саривақтӣ ва босифати онҳо таъкид намуданд. Дурнамои рушди ҳамкориҳои минбаъда дар бахшҳои таъмини об, тандурустӣ ва рушди устувори иқтисодӣ дар меҳвари гуфтугӯи дуҷониба қарор гирифт.
Завқӣ Завқизода аз роҳбари пешини Бонки рушди Олмон Андреас Шнайдер барои касбияти баланд ва ҳимояти фаъолона аз ташаббусҳои иҷтимоии муҳимми Тоҷикистон сипосгузорӣ намуда, ба роҳбари нав Петар Георгиев барои оғози иҷрои вазифаҳои худ барор ва муваффақият таманно намуд.
Вазири рушди иқтисод ва савдои Тоҷикистон аз Олмон даъват намуд, ки масъалаи баррасии эҳтимолии барқарор кардани мақоми Тоҷикистон дар рӯйхати шарикони расмии Олмон талош намояд, зеро ин иқдом ба густариши ҳамкориҳои дуҷониба мусоидат хоҳад кард.
Дар анҷоми мулоқот ҷонибҳо ҳавасмандии худро барои таҳкими ҳамкориҳо ва татбиқи лоиҳаҳои нав зоҳир намуданд.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард