19 Ноябр 2026,
панҷшанбе, 01:39, Душанбе
30.05.2025 14:33

Ноиби президенти Бонки Осиёии Рушд бо корҳои сохтмонӣ дар Роғун шинос шуд

Дар доираи сафари худ ба Тоҷикистон барои иштирок дар Конфронси байналмилалии ҳифзи пиряҳо Ингминг Янг, ноиби президенти Бонки Осиёии Рушд аз неругоҳи барқи обии Роғун боздид намуд. Ин боздид бо мақсади шиносоӣ бо ҷараёни корҳои сохтмонӣ ва баррасии рушди имкониятҳои ҳамкорӣ дар соҳаи энергетика сурат гирифт.

Дар ҷараёни боздид Ингминг Янг бо масъулони лоиҳа суҳбат намуда, аз пешрафти корҳои сохтмонӣ ва нақшаи ояндаи сохтмон ошно шуд. Ӯ таъкид кард, ки Бонки Осиёии Рушд омода аст дар амалӣ сохтани лоиҳаҳои энергетикӣ, аз ҷумла бунёди неругоҳи барқи обии Роғун бо Тоҷикистон ҳамкорӣ кунад.

Неругоҳи Роғун, ки дар дарёи Вахш бунёд мешавад, бо баландии 335 метр, баъди пурра ба фаъолият оғоз намудан, яке аз баландтарин обанбор дар сатҳи ҷаҳон хоҳад буд. Қувваи умумии он 3600 МВТ пешбинӣ шудааст, ки барои таъмини ниёзҳои энергетикии Тоҷикистон ва минтақа аҳамияти калон дорад.

Бар асоси иттилои расмӣ Бонки Осиёии Рушд дар тӯли ҳамкориҳои худ бо Тоҷикистон беш аз 2,7 миллиард доллари амрикоӣ барои амалӣ намудани 190 лоиҳа сармоягузорӣ намудааст. Лоиҳаҳои асосии сомоягузорӣ намудани бонки мазкур асосан дар соҳаи маориф, тандурустӣ, энергетика ва нақлиёт роҳандозӣ шудаанд.

Боздиди ноиби президенти бонки зикршуда Роғунро қадами устувор дар самти ҳамкориҳои Тоҷикистон бо ниҳодҳои муътабари байналмилалӣ донист.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.