РУС ТОҶ
19 Июн 2025,
панҷшанбе, 18:35, Душанбе
Диалог. Тоҷикистон ва ҷаҳон
РУС ТОҶ
Тоҷикистон-Эрон
08.05.2025 07:59

Далер Ҷумъа: “Муносибатҳои дӯстӣ ва ҳамкориҳои иқтисодӣ бо Эронро таҳким мебахшем”

Далер Ҷумъа, вазири энергетика ва захираҳои оби Ҷумҳурии Тоҷикистон дар маросими ифтитоҳи 17-умин нишасти комиссияи ҳамкориҳои муштараки Тоҷикистону Эрон ба миллати Эрон барои ҳодисаи Бандари Раҷоӣ изҳори ҳамдардӣ кард ва афзуд, ки Вазорати энергетика ва захираҳои оби Ҷумҳурии Тоҷикистон барои ҳамкориҳои судманди дуҷониба дар заминаҳои мухталиф бо кишвари дӯсту бародар омода ҳаст.

Далер Ҷумъа гуфт, ки Тоҷикистон ба таҳким ва густариши муносибатҳои дуҷониба бо Эрон аҳамияти махсус медиҳад ва Эронро яке аз шарикони муҳимми худ дар Ховари Миёна медонад.

Вазири энергетика ва захираҳои оби Ҷумҳурии Тоҷикистон ба сафар ва мулоқотҳои дуҷонибаи президентҳои Тоҷикистон ва Эрон ишора намуда, гуфт, ки сарони ду кишвар дар фазои дӯстона ва ҳамдигарфаҳмӣ гуфтугӯҳои муассир анҷом доданд ва натиҷаи он имзои 23 созишномаи муҳимми ҳамкорӣ миёни ду кишвар аст.

“Бешубҳа, ин санадҳо барои таҳкими муносибатҳои судманди миёни ду кишвар таъсиргузор хоҳад буд” – таъкид кард Далер Ҷумъа.

Далер Ҷумъа гуфт, дар ҷараёни сафари Масъуд Пизишкиён ба Тоҷикистон як намоишгоҳи муштарак низ доир гашт ва дар канори он санадҳои ҳамкории сармоягузорӣ ба имзо расид, ки худ далели қобилияти рушди ҳамкориҳои сармоягузорӣ миёни ду кишвар аст.

“Мо бо ифтихор эълон медорем, ки Тоҷикистон ва Эрон бо муштаракоти таърихӣ, фарҳангӣ ва забонӣ пайвандҳои мустаҳкам доранд ва ҳамин арзишҳои муштарак заминаи таҳкими дӯстӣ ва ҳамкориҳои ду кишварро фароҳам мекунад”- афзуд Далер Ҷумъа.

Вазири энергетика ва захираҳои оби Ҷумҳурии Тоҷикистон афзуд, ки ҳамкориҳо миёни Тоҷикистон ва Эрон дар чандин бахши ояндадор, аз ҷумла тиҷорат ва нақлиёт оғоз шудааст. Бар асоси гуфтаи ӯ, дар солҳои охир муносибатҳои тиҷоратӣ шакли нав мегиранд ва соли гузашта ҳаҷми тиҷорат миёни ду кишвар 50 фоиз афзуд.

Далер Ҷумъа таъкид кард, ки истифода аз зарфиятҳои транзитии ду кишвар барои афзоиши муомилоти тиҷоратӣ зарур аст ва дар шароити кунунӣ густариши ҳамкорӣ миёни Эрон ва Тоҷикистон ба як зарурат табдил шудааст.

“Мо талош хоҳем кард, то аз ҳамаи зарфиятҳои ин ҷаласа истифода кунем”- афзуд Далер Ҷумъа.

Dialog.tj

Хатти хабарҳо

Русия
19.06.2025 18:30

Ҳимояти журналисти турк аз журналистони эронӣ дар ҳузури Путин. “Оё аз Эрон ҳимоят мекунед?”

Дар ҷараёни нишасти матбуотии роҳбарони хабаргузориҳои байналмилалӣ бо Владимир Путин, президенти Федератсияи Русия Сардар Карагоз, раиси Хабаргузории давлатии Туркия аз ҳамлаи Исроил ба бинои телевизиони давлатии Эрон интиқод карда, аз журналистони эронӣ ҳимоят кард.
Эрон
19.06.2025 18:20

Эрон дар мавҷи нави ҳамлаҳои мушакӣ маркази артиши Исроилро маҳв кард

Неруҳои мусаллаҳи Эрон субҳи имрӯз бо оғози мавҷи нави амалиёти мушакӣ маркази фармондеҳӣ ва иттилоотии артиши Исроилро бо зарбаҳои дақиқ, бо мушак ва ҳавопаймоҳои бидуни сарнишин ҳадаф қарор додаанд.
Афғонистон
19.06.2025 18:10

Латифи Пидром дар вокуниш ба ҳамлаи Исроил. “Амрико аз Эрон ва тамаддуни эронӣ тарс ва нафрат дорад”

Латифи Пидром яке аз роҳбарони сиёсии Афғонистон дар пайи ҳамлаи Исроил ба Эрон аз сиёсатҳои Амрико, Исроил ва муттаҳидони онҳо нисбат ба Эрон ва Ховари Миёна сахт интиқод намуда, ҳушдор дод, ҳар навъ иштироки расмии Амрико дар ҷанг бар зидди Эрон паёмадҳои таърихӣ ва ҷуброннопазир хоҳад дошт.
Аврупо
19.06.2025 17:53

Дар Фаронса боз як кӯчаи дигарро ба номи Аҳмадшоҳ Масъуд номгузорӣ карданд

Дар як иқдоми рамзӣ Шурои шаҳри Рейм дар шимоли Фаронса яке аз кӯчаҳои минтақаи фарҳангӣ ва илмии “Магазан”-ро ба номи Аҳмадшоҳ Масъуд, Қаҳрамони миллии Афғонистон ва фармондеҳи шинохтаи муқовимат бар зидди терроризм номгузорӣ кард.
Варзиш
19.06.2025 17:39

Муҳаммад Наимов аз ҳамватанон узр пурсид

Муҳаммад Наимов, размкори шинохтаи тоҷик, ки шоми 21-уми июн муҳорибаи шашумашро дар ташкилоти UFC доир мекунад, дар нишасти матбуотии пеш аз рақобат аз мухлисону алоқамандони муҳорибаҳои омехта узр пурсид.
Энергетика
19.06.2025 16:46

Дар Тоҷикистон 3,5 ҳазор нафарро барои “талафоти барқ” ба ҷавобгарии қонунӣ кашиданд

Дар шаҳри Душанбе бо ширкати муовини Сарвазири Тоҷикистон Усмоналӣ Усмонзода оиди қонуншиканиҳои соҳаи барқ ҷаласа баргузор гардид ва дар он таъкид шуд, ки дар давоми моҳҳои ахир беш аз 3,5 ҳазор нафарро барои истифодаи ғайриқонунии қувваи барқ ба ҷавобгарии қонунӣ кашидаанд.
Афғонистон
19.06.2025 10:31

Толибон 7 нафарро барои фурӯши шароб шаллоқ зада ва зиндонӣ карданд

Гурӯҳи террористии Толибон аз муҷозоти 7 нафар бо ҷурмҳои мухталиф хабар додааст. Ин гурӯҳ навишт, 7 нафарро дар Кобул ба ҷурми содир кардани ҷинояти “фурӯш шароб” ва “маводи мухаддир” боздошт намуда, аз 7 моҳ то 2 сол зиндонӣ кардаанд.
Туризм
19.06.2025 10:18

Сафири Тоҷикистон хоҳони баргузории брифинги сайёҳии вижа дар Абу-Дабӣ шуд

Ашрафҷон Гулов, сафири Ҷумҳурии Тоҷикистон дар Аморати Муттаҳидаи Арабӣ рӯзи 16-уми июн бо Муҳаммад Солеҳ ал-Ҷазирӣ, Директори генералии Мақомоти фарҳанг ва сайёҳии Аморати Абу Дабӣ мулоқот намуда, масъалаи ҳамкориҳои дуҷониба дар соҳаи сайёҳиро баррасӣ намуд.
Минтақаҳо
19.06.2025 10:07

Омадани сел, хокбориш ва ифлосшавии ҳавои атмосферӣ пешгӯӣ мешавад

Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар медиҳад, ки чор рӯз, аз 19-ум то 22-юми июн дар кишвар баланд шудани ҳолати ифлосшавии ҳавои атмосферӣ пешгӯӣ мешавад.
Маъориф
19.06.2025 10:04

Дар Тоҷикистон муассисаҳои томактабии хусусиву алтернативӣ зиёд шудаанд

Дар Вазорати маориф ва илми Ҷумҳурии Тоҷикистон ҷаласаи корӣ оид ба муҳокимаи лоиҳаи нави “Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030” ва нақшаи чорабиниҳои он баргузор гардид.