Эмомалӣ Раҳмон ва Садир Жапаров дар Форуми иқтисодӣ ва сармоягузорӣ ба рушди “иқтисоди сабз” ва гидроэнергетика таъкид карданд
Тоҷикистон расман хостори пайвастан ба лоиҳаи роҳи оҳани Чин-Қирғизистон-Ӯзбекистон шуд
Тоҷикистон мехоҳад бо баргузории нахустин форуми нассоҷӣ сармоягузории хориҷиро ҷалб кунад
Путин: “БРИКС дар ҳоли табдил шудан ба як қувваи ҷаҳонии воқеӣ аст”
30.04.2025 09:04
Завқӣ Завқизода: “Гардиши савдои хориҷии Тоҷикистон 13 фоиз афзоиш ёфтааст”
Вазири рушди иқтисод ва савдои Ҷумҳурии Тоҷикистон Завқӣ Завқизода 28-уми апрел ҳамроҳи ҳайати Ҳукумат дар нахустин форуми Созмони ҳамкориҳои иқтисодӣ оид ба рушди устувор, ки дар шаҳри Ашқободи Туркманистон баргузор гардид, ширкат намуд. Дар ин хусус, Вазорати рушди иқтисод ва савдои Ҷумҳурии Тоҷикистон хабар медиҳад.
Завқӣ Завқизода дар нишасти зикршуда таъкид кард, ки бо назардошти оқибатҳои манфии тағйирёбии глобалии иқлим Ҷумҳури Тоҷикистон дар доираи ташаббусҳои панҷуми президенти Ҷумҳурии Тоҷикистон Эмомалӣ Раҳмон аз 29-уми май то 1-уми июни соли 2025 дар шаҳри Душанбе Конфронси байналмилалии сатҳи баландро дар хусуси ҳифзи пиряхҳо баргузор хоҳад кард.
Дар робита ба ин, ба ҳамаи кишварҳои узви Созмони ҳамкориҳои иқтисодӣ пешниҳод гардид, ки дар ин чорабинии муҳимми ҷаҳонӣ фаъолона ширкат намоянд.
Вазири иқтисод ва савдои Тоҷикистон Завқӣ Завқизода зикр кард, ки дар соли 2024 саҳми савдои хориҷии Тоҷикистон бо кишварҳои Созмони ҳамкориҳои иқтисодӣ 33 фоизро ташкил медиҳад ва гардиши савдои хориҷии узви Созмони ҳамкориҳои иқтисодӣ нисбат ба соли 2023 ба андозаи 13 фоиз афзоиш ёфтааст.
Завқӣ Завқизода таъкид кард, ки мутобиқи стратегияи миллии рушди Ҷумҳурии Тоҷикистон барои давраи то соли 2030 таъмин намудани рушди устувор ва баланд бардоштани сатҳи зиндагии аҳолӣ мақсади олии ҳукумати Тоҷикистон мебошад. Бар асоси ҳамин стратегия Тоҷикистон дар даҳсолаи ахир, яъне дар марҳилаи нахусти татбиқи он рушди устувори иқтисодиро бо суръати миёнаи солонаи 7,5 фоиз таъмин кардааст, ки дар муқоиса бо соли 2024 ин нишондиҳанда ба 8,4 фоиз расидааст.
Ҷониби Тоҷикистон пешниҳод кард, ки дар дурнамои ояндаи Созмони ҳамкориҳои иқтисодӣ барои солҳои 2026 -2035 ба ҳамкориҳо дар соҳаи савдо ва сармоягузорӣ, рушди “сабз”, мутобиқшавӣ ба тағйирёбии глобалии иқлим ва робитаҳои нақлиёту логистикӣ авлавият дода шавад.
Созмони ҳамкориҳои иқтисодӣ соли 1985 таъсис ёфта, имрӯз даҳ кишвар узвияти онро доранд. Кишварҳои узви Созмони ҳамкориҳои иқтисодӣ Тоҷикистон, Туркманистон, Қазоқистон, Ӯзбекистон, Қирғизистон, Озарбойҷон, Эрон, Туркия, Покистон ва Афғонистон мебошад.
Dialog.tj
Хатти хабарҳо
12.07.2025 10:26
Меҳрнигори Рустам: “Агар суруди миллиро намедонистам...”
Шоми гузашта дар шабакаҳои иҷтимоӣ як навори кӯтоҳе ба гардиш даромад, ки дар он сарояндаи шинохтаи тоҷик Меҳрнигори Рустам суруди миллиро қироат карда, дар мисраи дуюми он хато мекунад. Дар шарҳи навори мазкур корбарон ҳар гуна суханҳои қабеҳ гуфтанд.
12.07.2025 10:21
Ироқчӣ: “Агар Амрико кафолат диҳад, ки ба Эрон ҳамла намешавад, ба музокира бармегардем”
Сайид Аббос Ироқчӣ, вазири корҳои хориҷии Ҷумҳурии Исломии Эрон дар гуфтугӯ бо рӯзномаи “Ле Монд” –и Фаронса гуфт, ки Эрон ҳамеша ба музокирот бар асоси иззат, мантиқ ва эҳтироми мутақобил пойбанд буда. Ӯ дар ин хусус афзуд, ки ҳамеша миёни Эрон ва кишварҳои дигар тамосҳои дипломатӣ ҷараён дорад.
12.07.2025 10:07
Эмомалӣ Раҳмон оғози сохтмони корхонаи сурмаи Айниро расман эълон намуданд
Эмомалӣ Раҳмон, президенти Ҷумҳурии Тоҷикистон дар доираи сафари расмӣ ба ноҳияи Айнӣ ба таври маҷозӣ оғози сохтмони корхонаи истихроҷи сурмаи ҶСК “Паҳандра Майнинг”-ро эълон карданд. Дар ин бора дафтари матбуоти президенти Ҷумҳурии Тоҷикистон хабар додааст.
12.07.2025 09:48
Ӯзбекистон гузориши СММ дар бораи Гулнора Каримоваро беасос номид
Ҳукумати Ӯзбекистон ба изҳороти ахири Гурӯҳи кории Шурои ҳуқуқи башари СММ оид ба боздоштҳои худсарона, ки дар он масъалаи боздошти духтари президенти пешин Ислом Каримов — Гулнора Каримова баррасӣ шуда буд, вокуниш нишон дод.
12.07.2025 09:42
Дар Душанбе Иттиҳоди Аврупо бо кишварҳои Осиёи Марказӣ “диалоги зиддитеррористӣ” доир кард
Иттиҳоди Аврупо ва кишварҳои Осиёи Марказӣ рӯзи 11-уми июл дар шаҳри Душанбе аввалин муколамаи худ оид ба мубориза бо терроризмро доир намуданд. Дар ин бора намояндагии Иттиҳоди Аврупо дар Ҷумҳурии Тоҷикистон хабар додааст.
11.07.2025 10:26
Пизишкиён ба Шурои Аврупо ҳушдор дод: “Ҳамла ба Эрон бо посухи “қатъӣ ва пушаймонкунанда” рӯ ба рӯ хоҳад шуд”
Масъуд Пизишкиён, президенти Ҷумҳурии Исломии Эрон дар ҷараёни тамоси телефонӣ бо Антониу Кошта, раиси Шурои Аврупо дар хусуси вазъияти байналмилалӣ ва робитаҳои миёни Эрону Иттиҳоди Аврупо гуфтугӯ кард. Ӯ таъкид кард, ки такрори ҳар гуна таҷовуз бар зидди Эрон бо посухи “қатъӣ ва пушаймонкунанда” рӯ ба рӯ хоҳад шуд.
11.07.2025 10:10
Кори расмӣ дар Кореяи Ҷанубӣ. Аз корҷӯёни тоҷик чӣ талаб карда мешавад?
Агентии бакортаъмикунӣ дар хориҷаи Вазорати меҳнат, муҳоҷират ва шуғли аҳолии Ҷумҳурии Тоҷикистон хабар медиҳад, ки барномаи нави ҷалби шаҳрвандони кишвар барои кор дар Кореяи Ҷанубӣ оғоз шудааст.
11.07.2025 10:08
Чор голи беҷавоби “ПСЖ”. Оё “Реал Мадрид” аз ин бозӣ дарс мегирад?
Дар даври нимниҳоии Ҷоми ҷаҳонии бошгоҳҳо дастаҳои “ПСЖ”-и Фаронса ва “Реал Мадрид” рақобат карданд, ки дар натиҷа дастаи фаронсавӣ ба дарвозаи тими испанӣ чор голи беҷавоб зад.
11.07.2025 08:59
Муборизаи беамони полис бар зидди фолбину ҷодугарон. 90 нафар ба “панҷаи қонун” супурда шуданд
Раёсати Вазорати корҳои дохилии Ҷумҳурии Тоҷикистон дар шаҳри Душанбе тадбирҳои фаъолро барои пешгирии фаъолияти фолбин ва ҷодугарҳо идома медиҳад, то ин навъи фаъолияти ғайриқонунӣ пурра решакан гардад.
11.07.2025 08:52
Чин ва Ӯзбекистон мехоҳанд роҳи оҳани бисёрсамтаи Осиёи Марказиро густариш диҳанд
Вазирони нақлиёти Чин ва Ӯзбекистон дар ҷараёни мулоқоти дуҷониба ба ҳамкориҳои зерсохторӣ ва густариши лоиҳаҳои роҳи оҳан ва роҳҳои бисёрсамта дар доираи робитаҳои стратегии миёни ду кишвар таъкид намуданд.
11.07.2025 08:43
Ифтитоҳи гулгашт ва муҷассамаи Гулназар Келдӣ. Сафари Эмомалӣ Раҳмон аз ноҳияи Айнӣ оғоз шуд
Тавре ки хадамоти матбуоти Президенти мамлакат хабар медиҳад, имрӯз, 11-ум июл сафари кории Сарвари давлат муҳтарам Эмомалӣ Раҳмон дар ноҳияи Айнӣ бо ифтитоҳи гулгашт ва муҷассамаи Шоири халқии Тоҷикистон Гулназар Келдӣ оғоз ёфт.
10.07.2025 15:34
Тим Бурчет: “Амрико дар ҳар ҳафта ба Толибон 20 миллион доллар пул мефиристад”
Дар идомаи интиқодҳо аз сиёсатҳои Иёлоти Муттаҳида дар қиболи Афғонистон Тим Бурчет, намояндаи Ҷумҳурихоҳони Конгресси Амрико аз кумакҳои молии доимии Вашингтон ба гурӯҳи террористии Толибон парда бардошт. Ӯ эълон кард, ки давлати Амрико ҳар ҳафта 40 миллион доллар ба Толибон ирсол мекунад. Рақаме, ки ба гуфати ӯ, дар маҷмуъ то кунун ба тақрибан 5 миллиард доллар расидааст.