19 Ноябр 2026,
панҷшанбе, 01:31, Душанбе
08.04.2025 10:08

Тоҷикистон ва Тотористон масъалаи тиҷорат ва таъсиси корхонаи саноатиро баррасӣ карданд

Ҳамоиши тиҷоратӣ миёни Тоҷикистон ва Ҷумҳурии Тотористони Федератсияи Русия дар шаҳри Гулистони вилояти Суғд бо ширкати намояндагон ва роҳбарони ширкатҳои истеҳсолии ду кишвар бо мақсади баррасии ҳамкорӣ ва афзоиши содироти маҳсулоти тозаи Тоҷикистон ба Тотористон ва амалӣ намудани лоиҳаи таъсиси корхонаҳои саноатӣ баргузор гардид.

Дар ин ҳамоиш ба аҳамияти таъсиси корхонаҳои муштарак, истифодаи технологияҳои нав ва васеъ намудани ҳамкориҳо миёни минтақаҳо таъкид шуд, ки ба рушди минбаъдаи робитаҳои иқтисодӣ кумак мекунад.

Тибқи иттилоъ, айни ҳол дар вилояти Суғд беш аз 1200 корхонаи саноатӣ фаъолият доранд, ки дар онҳо 300 намуди маҳсулот истеҳсол мешавад. Ин вилоят бо сабаби захираҳои табиии бойи худ ва доштани корхонаҳои маъданӣ ва металлургӣ барои истихроҷи тилло, нуқра, сурб, ангишт, мармар ва ғайра машҳур аст.

Бо ҳимояти ҳукумати Тоҷикистон вилояти Суғд бо минтақаҳои мухталифи кишварҳои хориҷӣ, кишварҳои дуру наздик созишнома ва ёддошти ҳамкорӣ имзо намудааст ва бо беш аз 60 кишвар дар самти тиҷорат ва иқтисод ҳамкорӣ мекунад.

Ёдовар мешавем, ки рӯзи 3-уми апрел Эмомалӣ Раҳмон, президенти Ҷумҳурии Тоҷикистон Рустам Минниханов, президенти Тотористонро дар Қасри миллат ба ҳузур пазируфта буд, ки дар ин мулоқот дурнамои ҳамкориҳои Тоҷикистон ва Тотористон баррасӣ шуд. Имкониятҳои таъсиси корхонаҳои муштарак барои истеҳсоли маводи хом ва ниҳоӣ, аз ҷумла риштаҳои абрешим ва пашм, навъи гуногуни матоъ ва мебел аз мавзуъи дигари гуфтугӯ буд.

Dialog.tj

Хатти хабарҳо

18.11.2026 17:37

Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст

Бонки ҷаҳонӣ дар изҳороти нави худ ҳушдор дод, бо вуҷуди пешбинии рушди иқтисодии Афғонистон дар соли 2026, коҳиши даромади аҳолӣ, афзоши нахи маводи ғизоӣ ва камбуди об вазъияти зиндагии миллионҳо сокини Афғонистонро душвор кардааст.
18.11.2026 17:28

Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард

Саъдӣ Шарифӣ, сафири Ҷумҳурии Тоҷикистон дар Кобул дар мулоқот бо раиси Палатаи тиҷорат ва сармоягузории ҳукумати гурӯҳи террористии Толибон дар Афғонистон Сайид Карим Ҳошимӣ масъалаи таъсиси бозори муштрак дар минтақаи марзии ду кишвар ва густариши ҳамкориҳои иқтисодиро баррасӣ кардаанд.
18.11.2026 14:21

Ёсин Зиё ба Ҳайбатуллоҳ: “Мо барои курсӣ намеҷангем, барои озодӣ меҷангем”

Роҳбари Ҷабҳаи озодии Афғонистон дар вокуниш ба изҳороти ахири роҳбари гурӯҳи террористии Толибон Мулло Ҳайбаттулоҳ гуфт, ки пешниҳоди Ҳайбатуллоҳ Охунзода дар хусуси ҷалби мухолифон ба сохтори ҳукумат наметавонад онҳоро аз мубориза бар зидди Толибон боз дорад.
18.11.2026 14:09

Талаби 55 сол ҳабс: Ҷузъиёти парвандаи Мансур Манучеҳрӣ аз сӯи Вазорати адлияи Амрико нашр шуд

Вазорати адлияи Иёлоти Муттаҳидаи Амрико ҷузъиёти шаҳрванди Тоҷикистон Мансур Манучеҳриро нашр кард. Ӯ ба иттиҳоми ҳамкорӣ ва маблагузаронӣ ба ДОИШ як сол қабл боздошт шуда буд.
18.11.2026 13:17

Муовини вазири дифои Русия аз Пойгоҳи низомии 201 дар Тоҷикистон боздид кард

Муовини вазири дифои Русия, генерал-лейтенант Павел Фрадков дар ҷараёни сафари корӣ ба Тоҷикистон аз Пойгоҳи низомии 201-уми ин кишвар боздид карда, ба анҷоми сохтмони як қатор иншооти низомию иҷтимоӣ дастур додааст.
18.11.2026 13:13

Самтҳои афзалиятноки ҳамкории Тоҷикистон ва UNCCD муҳокима шуданд

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо котиби иҷроияи Конвенсияи СММ оид ба мубориза бо биёбоншавӣ (UNCCD) Ясмин Фуад мулоқот намуд.
18.11.2026 12:12

Дурнамои ҳамкории Тоҷикистон ва Амрико дар дидори Сарвари давлат бо Кристофер Ландау баррасӣ гардид

Имрӯз, 18-уми ноябр Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд.
18.11.2026 10:38

“Тарс аз Эрон”. Мақомоти амрикоӣ аз тарси Эрон ба паноҳгоҳҳо мераванд

Дар тӯли як ҳафтаи ахир лаҳни гуфтори мақомоти Эрону Амрико тағйир карда ва онҳо ҳамдигарро ба ҳамлаи мутақобил таҳдид мекунанд. Амрико аз тарси ҳамлаи Эрон ба мақомоти олирутбааш онҳоро дар маконҳои муҳофизатшуда ҷо дода ва иддао мекунад, ки Эрон дар пайи террори мақомоти амрикоӣ ва ҳамлаи, ҳатто кимиёӣ ба Амрико аст.