Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Тоҷикистон барои ҳамгироӣ ба низоми энергетикии Осиёи Марказӣ талош дорад
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Shohin Airlines ба чор минтақаи кишвар парвозҳои мунтазамро ба роҳ мемонад
Муовини вазир пешбурди савдо ва таҳкими имконоти молиявӣ дар Осиёи Марказиро баррасӣ кард
Муовини Вазири рушди иқтисод ва савдои Ҷумҳурии Тоҷикистон Аҳлиддин Нуриддинзода бо намояндагони Корпоратсияи байналмилалии исломии маблағгузории савдо (ITFC) ҷанбаҳои муҳимми ҳамкориии иқтисодӣ ва таҳкими имкониятҳои молиявӣ дар Осиёи Марказиро баррасӣ намуданд.
Дар мулоқот, ки дар шаҳри Душанбе баргузор гардид, ҳамчунин, масъалаи дастгирии корпоратсияи мазкур дар соҳаҳои маблағгузории савдо ба таҳкими иқтисодиёти Тоҷикистон ва минтақа мавриди табодули афкори дуҷониб қарор гирифт.
Мовини вазир аз густариши имконоти маблағгузории исломӣ барои корхонаҳои ватанӣ, ки дурнамои навро ба вуҷуд меоварад, изҳори миннатдорӣ кард.
Зимни мулоқот намояндагони Корпоратсияи байналмилалии исломии маблағгузории савдо (ITFC) маълумотро дар бораи ҷараёни татбиқи ташаббуси “Тиҷорати Осиёи Марказӣ-плюс” (TCCA+) пешниҳод намуда, масъалаи дастгирии савдо ва содагардонии расмиёти онро баррасӣ карданд.
Гуфта мешавад, ки амали мазкур барои таҳкими низоми савдо ва баланд бардоштани иқтидори содиротии Тоҷикистон аҳмияти муҳим дорад.
Ҷонибҳо зимни мулоқот масъалаи риояи стандартҳои байналмилалӣ ва рушди неруи инсониро низ мавриди таҳлил ва баррасӣ қарор доданд.
Дар анҷоми мулоқоти дуҷониба таъкид гардид, ки Вазорати рушди иқтисод ва савдои Ҷумҳурии Тоҷикистон барои дастгирии ташаббусҳои нав, ки ба рушди иқтисоди мамлакат нигаронида шудаанд, ҳамеша омода аст.
Dialog.tj
Хатти хабарҳо
Ҷинпин хостори нақши пешсафи Чину Русия дар ташкили низоми ҷаҳонии бисёрқутбӣ шуд
Путин дар Чин: “Таҳримҳои Ғарб бар зидди Русия ноком аст”
Бонки ҷаҳонӣ: камбуди об ва фишори иқтисодӣ зиндагии миллионҳо сокини Афғонистонро душвор кардааст
Сафири Тоҷикистон бо намояндаи Толибон масъалаи таъсиси бозор дар марзи Тоҷикистон ва Афғонистонро баррасӣ кард