Агентии омори Тоҷикистон хабар медиҳад, ки дар 9 моҳи соли ҷорӣ ҳаҷми истеҳсоли маҳсулоти саноатӣ аз тарафи корхонаҳои давлатӣ ва хусусӣ ба 36 миллиард сомонӣ расид. Ҳаҷми истеҳсолот нисбат ба ҳамин давраи соли гузашта 15,3% фоиз афзудааст.

Таъкид шудааст, ки афзоиши истеҳсолот бо афзоиши ҳаҷми соҳаҳои асосии иқтисодиёт алоқаманд мебошад. Тибқи омор, саноати кӯҳӣ 35,9 фоиз, саноати тавлидотӣ 10 фоиз ва таъмини неруи барқ, газ, буғу ҳаво 0,6 фоиз афзудааст. Таъминоти об, коркарди партовҳо, инчунин, истеҳсоли ашёи хоми дуюмдараҷа 1,7 фоиз афзудааст.

Қобили зикр аст, ки чанде қабл Наҷибулло Раҷабзода оид ба афзоиши ҳаҷми истеҳсоли алюминий хабар дода буд. Дар нимсолаи аввали имсол ширкати мазкур 40,4 фоиз маҳсулот истеҳсол кард, ки нисбат ба ҳамин давраи соли гузашта 24,7% фоиз бештар аст. То охири соли равон ширкати ТАЛКО тасмим гирифтааст, ки ҳаҷми истеҳсоли ашаёи хоми алюминийро 30% афзоиш диҳад.

Dialog.tj