Манобеи исроилӣ гуфтаанд, ки Бинёмин Нетаняҳу, нахуствазири режими Исроил, рӯзи шанбеи ҳафтаи оянда ба Вашингтон меравад то дар канори иштирок дар маросими дафни сенатор Линдси Греҳам, ки ба тозагӣ даргузашт, бо Доналд Трамп, раиси ҷумҳури Амрико, дидор кунад.

Расонаи “Вайнет”, рӯзи чоршанбе, 15-уми июл, гузориш дода, ки ин сафари нахуствазири Исроил дар замони оғози муҳосираи муҷаддади бандарҳои Эрон аз сӯйи Амрико дар пайи дидор бо раиси ҷумҳури Амрико аст, аммо то кунун ҳеч дидоре миёни ду ҷониб барномарезӣ нашудааст.

Бар асоси гузориш, манобеи исроилӣ гуфтаанд, ки Исроил мехоҳад қабл аз музокироти байни Иёлоти Муттаҳида ва Теҳрон дар мавриди як тавофуқи доимӣ, тамоми маълумоти иттилоотии худро дар ихтиёри Вашингтон қарор диҳад.

Манобеи исроилӣ ҳамчунин, афзудаанд, ҳадафи дигари сафари Нетаняҳу ба Вашингтон ин аст, ба амрикоиҳо ёдоварӣ шавад, ки бояд бар ин нукта пофишорӣ кунанд, ки ҳар гуна тавофуқе шомили таҳдиди мушакҳои болистик ва ҳимояти Эрон аз гурӯҳҳои ниёбатиаш низ бошад.

Ин дар ҳолест, ки дар ҳафтаҳои ахир гузоришҳое аз таниш дар равобити Исроил ва Амрико бар сари мавзӯи Эрон ва Лубнон мунташир шудааст.

Dialog.tj