Мақомҳои амрикоӣ гуфтаанд, ки давлати Иёлоти Муттаҳида ба раҳбарии Доналд Трамп, раиси ҷумҳури Амрико, ба таври рӯзафзуне нисбат ба ниҳоӣ шудани тавофуқи ҳастаӣ бо Эрон бадбин аст.

“Волл-Стрит Журнал” (The Wall Street Journal), шоми рӯзи ҷумъа, 10-уми июл, гузориш додааст, ки мақомоти амрикоӣ дар эътирофи нодир гуфтаанд, ки мумкин аст парвандаи ҳастаии Эрон аз роҳи музокироти сулҳ ҳал нашавад.

Бар асоси гузориш, шуморе аз мақомоти амрикоӣ гуфтаанд, ки давлати Трамп бар ин бовар аст, ки дастёбӣ ба тавофуқи ҳастаӣ бо Эрон ба таври рӯзафзун ғайриэҳтимол шудааст.

Як мақоми амрикоӣ гуфтааст, ки Эрон бояд кафолат диҳад, ки тангаи Ҳурмузро то рӯзи шанбе бозгушоӣ мекунад, дар ғайри ин сурат бо паёмадҳо рӯбарӯ хоҳад шуд.

Дар гузориш омадааст, мақомоти амрикоӣ таъйид кардаанд, ки Теҳрон бояд баёнияе мунташир карда, эълом кунад, ки тангаи Ҳурмуз боз аст ва тирпарронӣ ба сӯйи киштиҳоро мутаваққиф хоҳад кард.

Ин дар ҳолест, ки дар рӯзҳои охир афзоиши танишҳо миёни Эрон ва Амрико дар тангаи Ҳурмуз сабаби даргирии низомӣ шудааст.

Dialog.tj