Тоҷикистон мехоҳад бо ширкатҳои чинӣ неругоҳҳои офтобӣ ва бодӣ бунёд кунад
Бо фармони Эмомалӣ Раҳмон гули лола ва сиёҳгӯш гулҳои миллӣ эълон шуданд
Президенти кишвар чанд қонун, аз ҷумла «Дар бораи муҳоҷират»-ро имзо карданд
Нимпайкараи Қаҳҳор Маҳкамов дар Хуҷанд гузошта шуд
29.01.2025 12:21
Виза пурра бекор нашудааст. Сафари ҳавоии бевиза миёни Тоҷикистон ва Эрон 3-уми феврал амалӣ мегардад
Шаҳрвандони Тоҷикистон ва Эрон метавонанд аз таърихи 3-уми феврал бо шиносномаҳои одӣ бо парвози ҳавоӣ бидуни низоми раводид ба кишварҳои якдигар сафар кунанд. Сафари бидуни виза ё низоми раводид дар тамоми майдонҳои ҳавоии шаҳрҳои Ҷумҳурии Исломии Эрон ва Ҷумҳурии Тоҷикистон мавриди амал қарор хоҳад гирифт.
Дар тафоҳумномае, ки миёни Тоҷикистон ва Эрон имзо шуд, дар хусуси пурра бекор намудани низоми раводид таъкид сурат нагирифтааст. Дар ин тафоҳумнома сафари бидуни низоми раводид танҳо аз тариқи сафари ҳавоии мустақими кишварҳо иҷозат дода шудааст. Агар шаҳрвандони Тоҷикистон ва Эрон аз роҳи заминӣ ба кишварҳои якдигар ва ё аз масирҳои гуногуни ҳавоӣ аз кишварҳои дигар сафар кунанд, виза ё раводид талаб карда мешавад. Аз ин маълум мешавад, ки ҳанӯз низоми раводид пурра бекор нашудааст.
Қабл аз ин, дар соли 2024 дар замони президентии Ибоҳим Раисӣ тафоҳумномаи лағви низоми раводид миёни Тоҷикистон ва Эрон имзо шуда буд. Бар асоси ин тафоҳумнома лағви низоми раводид 10-уми августи соли 2024 мавриди амал қарор гирифт ва танҳо ба ду шаҳр – Теҳрон ва Душанбе иртибот дошт. Яъне, шаҳрвандон метавонистанд бидуни раводид аз тариқи парвозҳои Душанбе-Теҳрон ва баръакс Теҳрон-Душанбе ба кишварҳои якдигар сафар кунанд.
Дар иқдоми ахир президентони ду кишвар - Эмомалӣ Раҳмон ва Масъуд Пизишкиён ин маҳдудиятҳо пурра бекор шуданд ва акнун шаҳрвандони ду кишвар метавонанд аз тариқи сафари ҳавоӣ ба ҳамаи майдонҳои ҳавоии шаҳрҳо ба кишварҳои якдигар сафар кунанд.
Тибқи иттилои расонаҳои эронӣ ҳайати вазирони Ҷумҳурии Исломии Эрон қарори ниҳоӣ дар хусуси лағви низоми раводид миёни Эрон ва Тоҷикистонро амалӣ кард. Бар асоси он шаҳрвандони ду кишвар акнун метавонанд аз 3-уми феврали соли 2025 аз тариқи сафари ҳавоӣ (бо сафари заминӣ раводид талаб мешавад) бе раводид сафар кунанд.
Вазорати корҳои хориҷии Эрон низ амалишавии қарори лағви низоми раводид миёни Ҷумҳурии Исломии Эрон ва Ҷумҳурии Тоҷикистонро 3-уми феврали соли 2025 эълон кард.
Расонаҳои Эрон таъкид мекунанд, ки айни ҳол сафари бидуни раводид миёни ду кишвар – Ҷумҳурии Тоҷикистон ва Ҷумҳурии Исломии Эрон танҳо барои шахсонест, ки аз тариқи ҳаво сафар мекунанд.
Қаблан, сафири Ҷумҳурии Тоҷикистон дар Эрон Низомиддин Зоҳидӣ дар суҳбат бо мақомоти ин кишвар таъкид карда буд, ки зарурати бекор намудани низоми раводид аз тариқи сафари ҳавоӣ ба ҳамаи шаҳрҳои ин кишвар ба миён омадааст ва бояд анҷом дода шавад.
Dialog.tj
Хатти хабарҳо
24.10.2026 13:50
Аз 6-моҳа то 5-сола. Дар кишвар зидди бемориҳои сурхча ва гулафшон рӯзҳои иммунизатсияи иловагӣ баргузор мегардад
Дар асоси фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, аз 26-уми октябр то 6-уми ноябри соли равон рӯзҳои иммунизатсияи иловагӣ бар зидди бемориҳои сурхча ва гулафшон байни кӯдакони синнашон аз 6-моҳа то 5-сола (кўдаконе, ки аз 27 октябри соли 2021 то 26 апрели соли 2026 таваллуд шудаанд), гузаронида мешавад.
24.10.2026 11:07
Пешвои миллат дар шаҳри Ваҳдат маркази ташхисӣ ва табобатии Лормедро ифтитоҳ намуданд
Имрӯз, 24-уми октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади шиносоӣ бо вазъи зиндагии мардум ва ифтитоҳи як қатор иншооти ҷашнӣ ба шаҳри Ваҳдат сафар карданд.
24.10.2026 11:06
Боздошти марде бо гумони қаллобӣ: "Ваъда мекард, ки тавассути никоҳи сохта ба Амрико равон мекунад"
Мақомоти интизомии пойтахт мардеро дастгир карданд, ки ба ҷурми фиреб додани шаҳрвандон дар мавриди ба Амрико сафарбар намудан, гумонбар аст.
24.10.2026 11:04
Дидгоҳи як тоҷик дар Синхуа. Наздикшавии Чин ва Осиёи Марказӣ ояндаи СҲШ шакл медиҳад
Хабаргузории “Синхуа”-и Чин дар як гузориш бо Гузел Майтдинова, директори Маркази таҳқиқоти геополитикии Донишгоҳи славянии Русияву Тоҷикистон дар бораи тақвияти ҳамкории Чин ва Осиёи Марказӣ дар доираи Созмони ҳамкории Шанхай суҳбат намудааст. Коршинос дар ин суҳбат таъкид мекунад, ки афзоиши тиҷорат, рушди долонҳои нақлиётӣ ва ҳамкории технологӣ метавонанд самтҳои фаъолияти Созмони ҳамкории Шанхайро густариш диҳанд.
24.10.2026 10:32
Русия даст доштан бар таблиғоти интернетии зидди яҳудиёнро рад кард
Вазорати корҳои хориҷии Федератсияи Русия бо пахши як изҳорот гуфт, ки иттиҳоми Бенямин Нетаняҳу дар мавриди нақш доштани Русия дар роҳандозии маъракаи интернетии зиддияҳудӣ беасос аст. Ин вазорат матраҳ шудани чунин иттиҳомро ба интихоботи Исроил, ки рӯзи 27-уми октябр бояд баргузор шавад, вобаста донист.
24.10.2026 10:23
Аббос Ироқчӣ: “Амрико барои дифоъ аз Исроил 11 миллиард доллар сарф кардааст”
Сайид Аббос Ироқчӣ, вазири корҳои хориҷии Эрон гуфт, ки Иёлоти Муттаҳидаи Амрико дар се соли охир 11 миллиард доллар аз маблағҳои андозсупорандагони худро барои дифои мушакии Исроил харҷ кардааст.
24.10.2026 10:17
Дар натиҷаи ҳамлаи Ҷабҳаи озодӣ ба фурудгоҳи низомии Багром 10 Толиб кушта шудааст
Ҷабҳаи озодии Афғонистон хабар додааст, ки неруҳои ин ҷабҳа ба иншоот ва марказҳои таълимии гурӯҳи террористии Толибон дар фурудгоҳи низомии Багром, воқеъ дар шимоли Кобул ҳамлаи мушакӣ анҷом додааст.
24.10.2026 09:06
Хонаи истиқоматӣ ва мукофотпулӣ. Қадрдонии Шоҳрух Назаров пас аз муваффақият дар Бозиҳои V параосиёӣ
Шоҳрух Назаров барандаи медали нуқраи Бозиҳои V параосиёӣ шуда, аввалин медали ҳайати мунтахаби Тоҷикистонро дар таърихи иштироки кишвар дар мусобиқаи мазкур ба даст овард.
24.10.2026 07:05
31 созишнома бо 1,2 миллиард сомонӣ. Форуми байналмилалии сармоягузории «Хатлон Инвест – 2026» баргузор гардид
Дар шаҳри Бохтар Форуми байналмилалии сармоягузории «Хатлон Инвест – 2026» бо иштироки 1000 нафар, аз ҷумла соҳибкорон, сармоягузорон ва меҳмонон аз 30 давлати ҷаҳон баргузор гардид.
24.10.2026 07:04
Сироҷиддин Муҳриддин дар мулоқоти вазирони корҳои хориҷии давлатҳои Осиёи Марказӣ ва Гурҷистон иштирок намуд
Имрӯз, 23-юми октябр дар шаҳри Батуми вазири корҳои хориҷии Ҷумҳурии Тоҷикистон Сироҷиддин Муҳриддин дар мулоқоти вазирони корҳои хориҷии давлатҳои Осиёи Марказӣ ва Гурҷистон иштирок кард.
23.10.2026 14:15
Толибон бе Тоҷикистону Чин роҳи Долони Вахонро боз карданд. Чин гуфт, роҳ баста мемонад
Чанд рӯз қабл масъулони гурӯҳи террористии Толибон бидуни ҳузури Чин роҳи Долони Вахонро, ки Афғонистонро бо Чин мепайвандад, ифтитоҳ намуданд. Чин фавран изҳорот дод, ки роҳ ба таври якҷониба аз сӯйи масъулони Толибон ифтитоҳ шуда, баста боқӣ мемонад ва ҳеч гуна равобити транзитӣ дар ин минтақа сурат нахоҳад гирифт.
23.10.2026 13:55
Путин: “Шикасти Русия дар ҷанг ғайриимкон аст”
Владимир Путин, раиси ҷумҳури Русия изҳор дошт, ки шикасти ин кишвар дар майдони ҷанг ғайриимкон буда, идеяи расонидани шикасти стратегӣ ба Маскав воқеӣ нест. Ӯ ҳамчунин, гуфт, ки Русия нияти ҷанг бо Аврупоро надорад.