14 Феврал 2025,
ҷумъа, 07:02, Душанбе
17.01.2025 08:53

13 санади муҳимми тиҷоратӣ миёни Тоҷикистон ва Эрон имзо шуд

Дар пасманзари сафари президенти Ҷумҳурии Исломии Эрон ба Тоҷикистон Масъуд Пизишкиён ҳайати тоҷирони Эрон ба Душанбе омада, бо ҳамтоёни тоҷики худ гуфтугӯ намуданд. Зимни баррасии муносибатҳои иқтисодии ду кишвар 13 тафоҳумномаи муҳимми иқтисодӣ миёни кишварҳо ба имзо расид.

Дар ин нишаст ҳайати Эронро вазири мероси фарҳангӣ, гардишгарӣ ва саноати дастии Эрон, раиси хонаи бозаргонии Эрон ва ҷамъе аз тоҷирон намояндагӣ карданд. Ҳайати Эрон зимни мулоқот ва гуфтугӯ ба ҳайати тоҷирони тоҷик ба густариши ҳамкориҳои дар бахшҳои мухталиф ишора намуданд.

Раиси хонаи бозаргонии Эрон Самад Ҳасанзода рӯзи чоршанбе бо Султон Раҳимзода, раиси Кумитаи давлатии сармоягузорӣ ва амволи давлатӣ мулоқот намуда, равобити иқтисодии дуҷонибаро мавриди баррасӣ қарор доданд.

Самад Ҳасанзода дар нишасти муштарак бо ҳайати тоҷикистонӣ аз меҳмоннавозии мардуми тоҷик изҳори миннатдорӣ намуда, таъкид кард, ки барои густариши равобити иқтисодӣ зарфиятҳо вуҷуд дорад.

“Иртибот байни ҳайатҳои тиҷоратӣ ва фаъолони иқтисодии Эрон ва Тоҷикистон метавонад аз ҳама арсаҳои иртиботии ду кишвар ва рушди фаъолиятҳои фарҳангу гардишгарӣ таъсиргузор бошад”- таъкид намуд Ҳасанзода.

Масъули иқтисодии Эрон таъкид кард, ки барои рушди робитаҳои иқтисодии ду кишвар ниёз аст, баъзе аз мушкилот ва норасоиҳо бартараф шавад, то сармоягузорон тавонанад бо хотири осуда ва итминони бештар дар ҳавзаи иқтисодӣ мавқеъ ёбанд. Раиси Хонаи бозаргонии Эрон аз панҷ минтақаи иқтисодии Тоҷикистон ном бурда, афзуд, ки зарфиятҳои хуби сармоягузорӣ дар иқтисоди Тоҷикистон вуҷуд дорад.

“Дар баъзе бахшҳои саноатӣ тарофаҳо дар заминаи маҳсулоте, ба монанди пахта ва либосворӣ метавонад муассир бошад” таъкид намуд Самад Ҳасанзода.

Раиси ҳайати тоҷирони эронӣ Самад Ҳасанзода оид ба зарфиятҳои тавлидотии Эрон ишора намуда, таъкид кард, ки “Эрон бузургтарин тавлидкунандаи фарши дастибоф аст ва фаршҳои нафиси дунёро тавлид мекунад. Сармоягузорон ва фаъолони иқтисодии Эрон метавонанд бозори саноати дастиро дар Тоҷикистон рушд диҳанд”.

Мақоми эрон бо ишора ба қонунҳо таъкид кард “Мавзуе, ки барои ҳар ду кишвар муҳим аст, шаффофияти қонуни сармоягузорӣ аст. Дар Эрон барои сармоягузорони хориҷӣ, тазминҳои лозим барои сармоягузорӣ ва баргашти сармоя анҷом мешавад”.

Раиси Кумитаи давлатии сармоягузорӣ ва амволи давлатии Тоҷикистон Султон Ҷаъфарзода таъкид кард, ки аз тавонмандиҳои Ҷумҳурии Исломии Эрон ва ҳукуматдорони он огоҳ аст. Ӯ заминаҳои рушди касбу кор дар Тоҷикистон дар бахшҳое, ба монанди масолеҳи сохтмонӣ, саноати дастӣ ва маҳсулоти саноати нассоҷиро бисёр зиёд тавсиф намуда, таъкид кард, ки “Дар бахши ҳамлу нақл имконот ва зарфиятҳои бисёр зиёде аст”.

Султон Ҷаъфарзода омодагии Тоҷикистон барои имзои тафоҳумномаҳои тиҷоратиро таъкид кард ва афзуд, ки қарордодҳои сармоягузорӣ миёни бахшҳои хусусии Эрон ва Тоҷикистон муҳим аст. Вай хостори созмон додани бозаргонии Эрон барои тарғиби ширкатҳои эрон ҷиҳати ворид шудан ба бозори Тоҷикистон шуд.

Раиси Кумитаи давлатии сармоягузорӣ ва амволи давлатии Тоҷикистон бо ишора ба 13 санади ҳамкорӣ миёни ду кишвар афзуд: “Ин санадҳо неруи тоза ба муносибати ду кишвар мебахшад ва боиси рушди рафтуомадҳои ҳайатҳои иқтисодӣ, фарҳангӣ ва сиёсати Тоҷикистон мешавад”.

Шоми чоршанбе президенти Ҷумҳурии Исломии Эрон вориди шаҳри Душанбе шуд. Масъуд Пизишкиёнро президенти Ҷумҳурии Тоҷикистон ботантана пешвоз гирифт. Тибқи нақшаи мушаххасшуда, президенти Эрон ду рӯз дар Тоҷикистон монда ва субҳи имрӯз аз Душанбе мустақиман ба шаҳри Москав меравад. Вай дар Донишгоҳи тиббии Тоҷикистон суханронӣ намуда, ҳамчунин, дар ҳамоиши тоҷирони Эрон ва Тоҷикистон низ ширкат кард.

Dialog.tj

Хатти хабарҳо

13.02.2025 15:33

Трамп мумкин аст, ки як қатор консулгариҳои Амрикоро бандад

Президенти ИМА Доналд Трамп бастани чанд консулгарии ИМА дар кишварҳои гуногунро баҳри коҳиши хароҷоти Департаменти давлатии Амрико баррасӣ мекунад. Дар ин хусус телеканали “NBC News” бо истинод ба манбаъҳои худ хабар додааст.
13.02.2025 15:32

Филме аз ҳаёти тоҷикписар

Олими рус, доктори илми таърих, профессори МГИМО Кожокин Евгений Михайлович аз ҷумлаи он мутахассисоне аст, ки ба омӯтани таърихи халқҳои Осиёи Миёна таваҷҷуҳ дорад ва таърихи навтарини онҳоро дар коргоҳи худ таълим медиҳад.
13.02.2025 14:16

Суҳбати 90 дақиқагии Трамп ва Путин: Музокира барои поёни ҷанги Украина оғоз мешавад

Владимир Путин, президенти Федератсияи Русия ва Доналд Трамп, президенти Иёлоти Муттаҳидаи Амрико дар як тамоси телефонии 90 дақиқаина созиш намуданд, ки музокирот барои поён додан ба ҷанги Украинаро фавран оғоз кунанд.
13.02.2025 13:59

Таҳдиди Толибон ба ҳамсояҳо: “Бо санг занед, бо кулух посух медиҳем”

Муовини иқтисодии сарвазири гурӯҳи террористии Толибон Абдусалом Ҳанафӣ имрӯз дар нишасте дар шаҳри Кобул бе он ки аз кишвари хосе ном барад, гуфт, ки ихтилоф ба манфиати кишвари ҳамсоя нест. Ин мақоми Толиб ҳушдор дод, ки агар кишварҳои ҳамсоя “бо санг бизананд”, гурӯҳи Толибон бо “кулух” посух медиҳад.
13.02.2025 08:41

Русия: Дар мавриди эътирофи расмии Толибон набояд шитоб кард

Вазорати корҳои хориҷии Федератсияи Русия мегӯяд, ки дар масъалаи эътирофи расмии ҳукумати ҳозираи Афғонистон пеш аз вақти муқаррарӣ набояд хулоса баровард. Ин Вазорат таъкид мекунад, ки аввал масъалаи аз рӯйхати террористӣ хориҷ намудани гурӯҳи террористии Толибон бояд ҳал шавад. Ҳалли ин масъала замони тӯлониро тақозо мекунад.
13.02.2025 06:27

Қосим-Жомарт Токаев: “Миёни Қазоқистон ва Тоҷикистон ҳеч мушкили ҳалнашаванда вуҷуд надорад”

Президенти Ҷумҳурии Қазоқистон Қосим-Жомарт Токаев бо вазири корҳои хориҷии Ҷумҳурии Тоҷикистон Сироҷиддин Муҳриддин мулоқот намуда, аҳмияти таҳкими муносибатҳои дуҷониба миёни ду кишварро таъкид кард.
12.02.2025 17:37

“Аз фурсатҳои сайёҳии Тоҷикистон ва Эрон истиқбол мекунем”

Дар 18-умин Намоишгоҳи сайёҳии Исфаҳони Ҷумҳурии Исломии Эрон, ки дар шаҳри Исфаҳон баргузор гардид, раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумахонзода иштирок ва бо мақомоти олии Эрон дидору гуфтугӯ кард. Ҷамшед Ҷумахонзода дар Исфаҳон, бо мудири кулли мероси фарҳангӣ, сайёҳӣ ва санъати дастии Исфаҳон Амир Каримзода ва раиси вилояти Исфаҳон Маҳдӣ Ҷамолзода мулоқот намуда, дар хусуси тақвияти ҳамкориҳои сайёҳӣ гуфтугӯ намуд.
12.02.2025 17:20

Пизишкиён: “Трамп мегӯяд музокира кунем, аммо нақшаи ба зону задани моро имзо мекунад”

Дар маросими пирӯзии Инқилоби исломӣ, ки дар Эрон бо раҳпаймоии миллионнафарӣ баргузор гардид, президенти Ҷумҳурии Исломии Эрон Масъуд Пизишкиён ба суханони Доналд Трамп дар хусуси ин ки агар Эрон музокира накунад, бомбаборон хоҳад шуд, вокуниши қатъӣ нишон дод.