РУС ТОҶ
30 Апрел 2025,
чоршанбе, 17:59, Душанбе
Диалог. Тоҷикистон ва ҷаҳон
РУС ТОҶ
Сиёсати хориҷӣ
06.12.2024 10:29

Ҳушдор ба тоҷикон дар Кореяи Ҷанубӣ: дар гирдиҳамоиҳои оммавӣ ширкат накунед!

Сафорати Тоҷикистон дар Кореяи Ҷанубӣ ба шаҳрвандони Тоҷикистон, ки дар ин кишвар кору зиндагӣ доранд, муроҷиат намуда, аз онҳо хостааст, ки аз ҳар гуна ширкат дар гирдиҳамоӣ ва ҳамоишҳои оммавӣ худдорӣ кунанд.

Сафорат дар иртибот ба эълон шудани ҳолати ҳарбӣ, ки баъдан аз сӯйи парлумони ин кишвар бекор шуд, аз шаҳрвандони Тоҷикистон хост, ки оромиро нигоҳ доранд. Сафорат гуфтааст, ки ҳатман тавсияҳои мақомотро риоя намоянд.

Ҳамчунин, Сафорат аз шаҳрвандон хостааст, ки дар ҳолати пеш омадани мушкилот бо сафорат тамос гиранд.

Қобили зикр аст, ки рӯзи 3 –уми декабр Президенти Кореяи Ҷанубӣ ҳолати ҳарбӣ эълон кард. Баъди эълони ҳолати ҳарбӣ дар Кореяи Ҷанубӣ мардум тазоҳурот намуданд. Парлумон қарори президентро бекор кард ва талаб намуд, ки ба истеъфо равад. Дар робита ба ин қазия вазири дифои Кореяи Ҷанубӣ истеъфо дод.

Иқдоми ҳолати ҳарбӣ дар Кореяи Ҷанубӣ охирин маротиба дар соли 1980 ҷорӣ шуда буд. Аз он сол то ба имрӯз чунин ҳолат ба вуҷуд наомадааст. Тасмими президент ба вокуниши шадиди мардум рӯ ба рӯ шуд ва дар натиҷа ҳолати сиёсӣ дар ин кишвар ноором гардид.

Dialog.tj

Хатти хабарҳо

Афғонистон
30.04.2025 09:39

Як духтар дар Ғӯри Афғонистон барои издивоҷ накардан бо Толиб худкушӣ кард

Расонаҳои афғонистонӣ гузориш доданд, ки Обида ном як духтар дар вилояти Ғӯри Афғонистон барои раҳоӣ аз издивоҷ бо як Толиб худкушӣ кардааст. Ба гуфтаи манобеъ, ин ҳодиса рӯзи якшанбе рӯй додааст. Духтар ҳангоме, ки Толибон мехостанд ӯро бо зӯр баранд, ба зиндагии худ поён додааст.
Тандурустӣ
30.04.2025 09:16

Табибони Саудӣ дар Тоҷикистон 65 амали ҷарроҳии дили ройгон анҷом медиҳанд

Як гурӯҳи табибон аз Арабистони Саудӣ барои анҷом додани лоиҳаи башардӯстона дар соҳаи ҷарроҳӣ ва катетеризатсияи дил ба шаҳри Душанбе омада, ҷарроҳии дилро барои калонсолон анҷом медиҳанд.
Макроиқтисод
30.04.2025 09:04

Завқӣ Завқизода: “Гардиши савдои хориҷии Тоҷикистон 13 фоиз афзоиш ёфтааст”

Вазири рушди иқтисод ва савдои Ҷумҳурии Тоҷикистон Завқӣ Завқизода 28-уми апрел ҳамроҳи ҳайати Ҳукумат дар нахустин форуми Созмони ҳамкориҳои иқтисодӣ оид ба рушди устувор, ки дар шаҳри Ашқободи Туркманистон баргузор гардид, ширкат намуд. Дар ин хусус, Вазорати рушди иқтисод ва савдои Ҷумҳурии Тоҷикистон хабар медиҳад.
Осиёи Марказӣ
29.04.2025 16:53

Баҳси мубориза бо мушкилиҳои минтақавӣ дар суҳбати вазирони Осиёи Марказӣ бо Чин

Нишасти вазирони корҳои хориҷии кишварҳои Осиёи Марказӣ ва Чин дар шаҳри Алмаато, пойтахти Қазоқистон бо ҳадафи тақвияти гуфтугӯҳои сиёсӣ, рушди ҳамкориҳои иқтисодӣ ва мутақобила бо чолишҳои минтақавӣ баргузор гардид.
Шарқи Наздик
29.04.2025 16:41

Аз ҷаримаи ҳангуфт то ихроҷи 10-сола. Ғайрирасмӣ ба ҳаҷ наравед

Кумитаи дин ва танзими ҷашну маросими назди Ҳукумати Ҷумҳурии Тоҷикистон хабар медиҳад, ки мақомоти Арабистони Саудӣ нисбат ба нафароне, ки ба таври ғайрирасмӣ ва бе гирифтани иҷозатномаи расмӣ (тасриҳи ҳаҷ) қасди адои маросими ҳаҷ мекунанд, ҷазои сахт муқаррар намудааст.
Синамо ва театр
29.04.2025 10:40

“Одоби шикори рӯбоҳ”-и Эрон меҳмони театрҳои Тоҷикистон мешавад

Намоишномаи театрии маъруфи Эрон - “Одоби шикори рӯбоҳ”, ки чанде қабл дар ҷашнвораи театри Фаҷри Эрон дурахшида буд, бо даъвати Тоҷикистон дар Ҷашнвораи байналмилалии театрҳои Тоҷикистон намоиш дода мешавад.
Авруосиё
29.04.2025 10:27

“Ҷанги обӣ” дар фазои ду қудрати атомӣ. Ҳинд муҳосираи “хушкӣ”-и Покистонро сар мекунад?

Ҳиндустон баъди ҳамлаи террористии хунин дар Кашмир Покистонро ба анҷом додани он муттаҳам кард ва баъди 65 сол амали Cозишномаи обии миёни ду кишварро боз дошт. Мақомоти покистонӣ ин амалро “ҷангӣ обӣ” хонданд.
Узбекистон
29.04.2025 10:10

Бахтиёр Саидов ва Абдулазиз Комилов Доналд Трампро ба Ӯзбекистон даъват намуданд

Ҳайати Ӯзбекистон таҳти роҳбарии Бахтиёр Саидов, вазири корҳои хориҷии Ӯзбекистон ва Абдулазиз Комилов, намояндаи махсуси президенти Ӯзбекистон оид ба сиёсати хориҷӣ ба Доналд Трамп, президенти Иёлоти Муттаҳидаи Амрико даъватномаи расмӣ барои сафар ба Ӯзбекистонро супурданд.