Қоҳир Расулзода дар шаҳри Исломободи Покистон бо сарвазири Чин Ли Тсян мулоқот намуда, дурнамои ҳамкориҳои иқтисодӣ ва сиёсии ду кишварро баррасӣ намуд.

Тарафҳо замни мулоқот таъкид намуданд, ки дурнамои ҳамкории байниҳукуматӣ дар соҳаҳои иқтисоду тиҷорат, сармоягузорӣ, саноат, кишоварзӣ ва фарҳангу иҷтимоӣ дар ҳоли рушд аст. Тақвияти ҳамкориҳо дар заминаи роҳсозиву энергетика ва нақлиёт муҳимтарин самтҳои афзалиятноки ҳакмориҳои дуҷониба арзёбӣ гардид. Тарафҳо аз татбиқи лоиҳаҳои бузурги роҳсозӣ дар Тоҷикистон изҳори қаноатмандӣ намуданд.

Қобили зикр аст, ки нишасти 23-уми Созмони Ҳамкориҳои Шанхай имсол бо ширкати сарони кишварҳои узви созмон дар шаҳри Исломободи Покистон доир мегардад ва нишасти сарвазирони кишварҳои узв низ дар пасманзари баргузории ҷаласаи мазкур сурат мегирад.