РУС ТОҶ
19 Октябр 2026,
душанбе, 15:32, Душанбе
Диалог. Тоҷикистон ва ҷаҳон
РУС ТОҶ
Тоҷикистон - Русия
24.08.2026 13:52

Ҳаҷми тиҷоратии Русия бо Тоҷикистон ба сатҳи “рекордӣ” расид

Русия ва Тоҷикистон барои афзоиши назарраси ҳаҷми тиҷорати дуҷониба дар солҳои наздик барнома доранд. Намояндаи тиҷоратии Русия дар Тоҷикистон Александр Рибас гуфтааст, ки расидан ба нишондиҳандаи 2,5 баробар афзоиши гардиши мол то соли 2030 яке аз ҳадафҳои стратегии ҳамкориҳои иқтисодии ду кишвар мебошад.

Бар асоси гуфтаи ӯ, муносибатҳои тиҷоративу иқтисодии Маскав ва Душанбе дар солҳои 2025–2026 тамоюли афзоишро нишон додаанд. Соли гузашта ҳаҷми савдои байни ду кишвар ба сатҳи рекордӣ расида, дар шаш моҳи аввали соли ҷорӣ низ гардиши тиҷоратӣ тақрибан сеяк фоиз зиёд шудааст.

Александр Рибас ин нуктаро зимни иштирок дар нахустин Форуми байналмилалии саноати хӯроквории Тоҷикистон дар Душанбе баён кардааст.

Дар маркази таваҷҷуҳи ҳамкориҳои ду кишвар бахши кишоварзӣ ва содироти маҳсулоти ғизоии Тоҷикистон қарор дорад. Намояндаи тиҷоратии Русия мегӯяд, ки барои ворид кардани бештари маҳсулоти Тоҷикистон ба бозори Русия имкониятҳои ҳанӯз истифоданашуда мавҷуданд.

Яке аз қадамҳои амалии ду кишвар дар ин самт таъсиси корхонаи муштарак будааст. Ҳадафи он зиёд кардани интиқоли сабзавот, мева ва буттамеваи Тоҷикистон ба Русия мебошад.

Ба гуфтаи Рибас, густариши ҳамкориҳо дар соҳаи кишоварзӣ метавонад на фақат содироти маҳсулоти Тоҷикистонро афзоиш диҳад, балки барои ҷалби сармоя ва рушди шабакаҳои логистикӣ низ шароити бештар фароҳам созад.

Русия дар айни замон яке аз бозорҳои асосии содиротии Тоҷикистон ба шумор меравад. Масъули ин ниҳоди Русия бар ин назар аст, ки беҳтар кардани дастрасии молҳои Тоҷикистон ба бозори Русия метавонад ба афзоиши минбаъдаи савдои дуҷониба мусоидат кунад.

Ҳамзамон, ҷонибҳо мехоҳанд ҳамкориҳои истеҳсолиро густариш диҳанд. Таъсиси корхонаҳои муштарак барои коркарди маҳсулоти кишоварзӣ метавонад ба истеҳсоли молҳои дорои арзиши иловашудаи бештар ва содироти онҳо ба бозори Русия мусоидат кунад.

Дар форум зикршуда, инчунин, масъалаи фароҳам овардани шароити мусоид барои сармоягузорон баррасӣ шудааст. Аз ҷумла, иштирокчиён дар бораи механизмҳои дастгирии давлатӣ, имтиёзҳои андозӣ, содирот ва рушди логистика дар саноати хӯроквории Тоҷикистон гуфтугӯ кардаанд.

Dialog.tj

 

Хатти хабарҳо

Таҳлили "Диалог"
19.10.2026 15:01

Қарзу афзоиши нархи зиндагӣ мардуми хашмгини Фаронсаро ба майдонҳо овард

Афзоиши қарзи давлатӣ, гарон шудани зиндагӣ ва норозигӣ аз вазъияти хизматрасониҳои ҷамъиятӣ ба мушкилоти бузурги Фаронса табдил шудааст. Эътирози хиёбонии мардуми Фаронса нишон дод, ки ҳукумаи ин кишвар бо фишори бештар рӯбарӯ шудааст.
Русия
19.10.2026 14:32

Лавров: “Гурӯҳҳои террористӣ мехоҳанд дар либоси паноҳанда ва сайёҳ ба Осиёи Марказӣ ворид шаванд”

Русия мегӯяд, ки гурӯҳҳои терорристӣ ва тундрав аз қаламрави Афғонистон барои густариши фаъолиятҳои худ дар Осиёи Марказӣ истифода мекунанд. Русия тақвият додани марзи Тоҷикистону Афғонистон ва ҳамкорӣ бо ҳукумати террористии Толибонро роҳи мубориза бо таҳдидҳо донистааст.
Тоҷикистон-Чин
19.10.2026 14:09

Чин мехоҳад дар Тоҷикистон сармоягузориро зиёд ва воридоти мол ба Чинро афзоиш диҳад

Ли Сян, сарвазири Чин рӯзи 19-уми октябр дар мулоқот бо Қоҳир Расулзода, сарвазири Тоҷикистон дар Душанбе гуфт, ки Пекин омода аст воридоти молҳои Тоҷикистон ва сармоягузории ширкатҳои чиниро афзоиш диҳад. Ду ҷониб масъалаи густариши ҳамкорӣ дар соҳаҳои энергетика, нақлиёт, истихроҷи маъдан ва технологияҳои навро баррасӣ кардаанд.
Покистон
19.10.2026 14:02

Раиси вилояти Синди Покистон хостори афзоиши содирот ба Тоҷикистон аст

Раиси вилояти Синди Покистон гуфт, барои густариши тиҷорат, бахусус содирот ба Тоҷикистон имкониятҳои зиёд вуҷуд дорад. Дар мулоқоти консулгарии генералии фахрии Тоҷикистон дар Карочӣ ду ҷониб роҳҳои густариши ҳамкорӣ дар соҳаи тиҷорат, энергетика, саноат, кишоварзӣ ва нақлиётро баррасӣ кардаанд.
Молия
19.10.2026 13:53

Бонки Осиёии Рушд барои маблағгузории «Роғун 200 миллион доллар грант ва 300 миллион доллар қарзи имтиёзнокро пешбинӣ менамояд

Дар доираи ҷаласаҳои солонаи Гурӯҳи Бонки Умумиҷаҳонӣ ва Хазинаи Байналмилалии Асъор дар шаҳри Бангкоки Подшоҳии Тайланд ду даври мулоқоти сеҷониба бо иштироки вазири молияи Ҷумҳурии Тоҷикистон Файзиддин Қаҳҳорзода, ноиби президенти Бонки Умумиҷаҳонӣ оид ба Аврупо ва Осиёи Марказӣ Антонелла Бассани ва ноиби президенти Бонки Осиёии Рушд оид ба соҳаҳо ва самтҳои мавзуӣ Вемпи Сапутра баргузор гардиданд.
Тоҷикистон-Чин
19.10.2026 12:49

Ли Сян: “Чин пайваста аз рушду нумуи Тоҷикистони дӯст дастгирӣ мекунад”

Имрӯз, 19-уми октябр дар Қасри миллат Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон сарвазири Шурои давлатии Ҷумҳурии Мардумии Чин Ли Сянро, ки бо сафари расмӣ ва ҷиҳати иштирок дар ҷаласаи Шурои сарони ҳукуматҳои Созмони ҳамкории Шанхай дар Тоҷикистон қарор дорад, ба ҳузур пазируфтанд.
Эрон
19.10.2026 10:36

Ироқчӣ ба Макрон: “Ба садои ояндаи Фаронса гӯш диҳед

Сайид Аббос Ироқчӣ, вазири корҳои хориҷии Эрон, дар вокуниш ба изҳороти ахири Эммануэл Макрон, раиси ҷумҳури Фаронса, дар бораи сабабҳои нооромиҳои ин кишвар гуфт, ки барои гунаҳкор донистани дигарон дер шудааст. Ӯ аз Макрон хост, ки ба садои ояндаи Фаронса гӯш диҳад.
Матолиби ҷолиб дар ВАО
19.10.2026 10:28

Трамп: “Зеленский намехоҳад ҷанг дар Украинаро ба поён расонад”

Доналд Трамп, раиси ҷумҳури Иёлоти Муттаҳида, бо интиқод аз идомаи ҳамлаҳои Украина ба полоишгоҳҳои нафти Русия, иддао кардааст, ки Владимир Зеленский, раиси ҷумҳури Украина, майли поён додани ҷангро надорад.
Матолиби ҷолиб дар ВАО
19.10.2026 09:13

Фуруд омадани изтирории ҳавопаймои аз Исроил парвозкарда ба далели таҳдиди амниятӣ дар Булғористон

Як ҳавопаймои мусофирбар, ки аз Исроил ба самти Венаи Австрия парвоз мекард, пас аз дарёфти ҳушдори амниятӣ дар бораи бомбгузорӣ, дар Булғористон (Балгария) фуруди изтирорӣ анҷом дод.
Ҳамсоягон
19.10.2026 08:00

Қирғизистон беш аз 326 километр марз бо Тоҷикистонро симхорбандӣ кард

Ҷумҳурии Қирғизистон дар ноҳияи Бодканд ва Лайлак беш аз 327 километр марзи Қирғизистон бо Тоҷикистонро симхорбандӣ кард. Дар назди минтақаҳои наздисарҳадӣ барои ҳаракат 338,5 километр роҳи саҳроӣ бунёд шуд.