Як хабарнигори матраҳи хабаргузории “Ройтерз” (Reuters) гуфтааст, ки ҳомиёни молии Ризо Паҳлавӣ аз амалкарди ӯ ноумед шудаанд ва эътибори вай дар Вашингтон коҳиш ёфтааст.

Стив Стекло, хабарнигори матраҳи “Ройтерз”, гуфтааст, ҳомиёни молии Ризо Паҳлавӣ, ки ба гуфтаи ӯ се миллион доллар ба фаъолиятҳои вай кумак кардаанд, аз мавзеъгириҳои ахири ӯ норозӣ ҳастанд.

Ба гуфтаи Стекло, ин норозигӣ аз он ҷо сарчашма мегирад, ки Ризо Паҳлавӣ дар баробари изҳороти Доналд Трамп дар бораи “бозгардондани Эрон ба асри санг” мавзеъгирӣ накардааст.

Вай ҳамчунин, гуфтааст, ҳомиёни молии Паҳлавӣ аз он интиқод доранд, ки ӯ аз бархе амалҳои хушунатомези ҳаводоронаш ва ҳамчунин, аз изҳороти баъзе мушовиронаш эъломи безорӣ накардааст.

Ин изҳорот дар ҳоле матраҳ мешавад, ки то кунун Ризо Паҳлавӣ дар бораи ин иддаоҳо ва ё арзёбии хабарнигори “Ройтерз” вокуниши расмӣ нишон надодааст.

Dialog.tj