Дифои раиси ҷумҳури Эрон аз Поп, бо вокунишҳои ҷолиби бисёре аз корбарони ҷаҳонӣ рӯбарӯ шуд.

Доналд Трамп, раиси ҷумҳури Амрико дар посте дар шабакаи “Truht social” ба Поп Леои чаҳордаҳум, раҳбари католикҳои ҷаҳон ба хотири изҳороти зиддиҷангии ӯ ҳамла кард: амале, ки дар гузашта раисони ҷумҳури Амрико ва кишваре, ки беш аз 50 миллион католик дорад, собиқа надошт.

Ӯ соате баъд аксеро, ки худашро ба Исо Масеҳ монанд карда буд, мунташир кард ва он ҳам бо вокунишҳои манфии густурда рӯбарӯ шуд.

Масъуд Пизишкиён, раиси ҷумҳури Эрон баъд аз ин таҳқири Трамп, дар посте ба забони англисӣ навишт: “Аълоҳазрати Поп Леои чаҳордаҳум, ман ба намояндагӣ аз миллати бузурги Эрон тавҳин ба ҷаноби олиро маҳкум мекунам ва эълом мекунам, ки таҳқири ҳазрати Исо, паёмбари сулҳ ва бародарӣ, аз ҳеч инсони озодае пазируфта нест. Аз Худованди мутаол барои шумо орзуи сарбаландӣ дорам”.

Ин дифои раиси ҷумҳури Эрон аз Поп, бо вокунишҳои ҷолиби бисёре аз корбарони ҷаҳонӣ рӯбарӯ шуд ва онҳо бо муқоисаи рафтори Трамп ва Пизишкиён, дифои ӯ аз Попро тамҷид карданд ва барои бархе ин масъала вуруд ба давраи ҷадиде аз таърих ва низоми нави ҷаҳонӣ буд.

Dialog.tj