Нашрияи машҳури Британияи Кабир “Гардиан” (The Guardian) дар гузорише бо ишора ба тасаввури Доналд Трамп, президенти Амрико аз ҷанг бо Эрон навишт: “Ҷаҳл ва такаббури раиси ҷумҳури Амрико ӯро ба ботлоқи ин ҷанг кашонд ва акнун Иёлоти Муттаҳида ба дунболи роҳе аст, то бидуни таҳқир шудан аз сӯи ҷомеаи ҷаҳонӣ аз ин ботлоқ хориҷ шавад”.

Дар идомаи ин гузориш омадааст: “Таҳлили нодуруст ва эътимоди беш аз ҳад ба қудрати низомии Амрико боис шуд мақомҳои Вашингтон тасаввур кунанд Эрон зуд таслим хоҳад шуд, аммо ин иштибоҳ иборат аз нодида гирифтани печидагиҳои дохилии Эрон ва руҳияи муқовиматии мардуми ин кишвар аст.

Трамп дар ҳамроҳ кардани муттаҳидони аврупоӣ ва минтақавӣ барои бозгушоии тангаи Ҳурмуз ё иштирок дар ҷанг шикаст хӯрдааст ва расонаҳо ва таҳлилгароне, ки дар ибтидо бо ҳаяҷон аз ин ҷанг ба унвони як ҳаракати созанда ёд мекарданд, акнун бо воқеияти сахте рӯбарӯ шудаанд”.

Dialog.tj