“Раванди сабз”-и Амруллоҳ Солеҳ қароргоҳи Толибон дар як мактаби Панҷшерро ба оташ кашид
Трамп: “Ҳар лаҳза омодаи ҳамла ба Эрон ҳастам”
Русия ҳамроҳи Оверчук ҳайати беш 70-нафараро ба Кобул фиристод
Политико: Трамп Ҷей Ди Вэнсро аз музокирот бо Эрон канор гузошт
25.11.2025 11:23
Кореяи Ҷанубӣ: Эҳтимоли даргирӣ бо Кореяи Шимолӣ вуҷуд дорад
Ли Ҷэ Мён, Президенти Кореяи Ҷанубӣ гуфт, ки вазъ дар нимҷазираи Корея “бениҳоят хатарнок” буда ва эҳтимоли “даргирии тасодуфӣ” бо Кореяи Шимолӣ вуҷуд дорад.
“Мутаассифона, робитаҳои миёни ду Корея бисёр душманона ва тахрибкунанда аст. Ҳатто сатҳи камтарин эътимод низ вуҷуд надорад. Кореяи Шимолӣ сухану иқдомҳои ниҳоят тезу тунд нишон медиҳад”- гуфт президенти Кореяи Ҷанубӣ.
Президенти Кореяи Ҷанубӣ таъкид кард: “Мо ба марҳилае расидаем, ки намедонем кай мумкин аст, як даргирии тасодуфӣ рӯй диҳад. Ҳамаи хатҳои иртиботӣ қатъ шудаанд ва онҳо аз ҳар гуна тамосу гуфтугӯ худдорӣ мекунанд. Вазъият бисёр хатарнок мебошад”.
Кореяи Ҷанубӣ ҳафтаи гузашта пешниҳод намуд, ки Сеул ва Пхенян дар хусуси таъйин ва мушаххас намудани хатти марзӣ дар канори минтақаи ғайринизомӣ гуфтугӯ кунанд, то аз даргирии мусаллаҳонаи миёни ду ҷониб пешгирӣ шавад. Кореяи Шимолӣ то ба ҳол ба ин пешниҳод посух надодааст.
Аз ибтидои соли 2025 то ҳоло сарбозони Кореяи Шимолӣ беш аз 10 бор марзро убур намудаанд, ки баъзе аз онҳо боиси огоҳии тирпарронӣ аз ҷониби низомиёни Кореяи Ҷанубӣ шудаанд.
Президенти Кореяи Ҷанубӣ таъкид намуд, ки расидан ба сулҳ бо Кореяи Шимолӣ як раванду талоши дарозмуддат аст ва фақат вақте ки сулҳи устувор ба даст оварда шавад, машқҳои муштараки низомии Кореяи Ҷанубӣ ва ИМА қатъ хоҳанд шуд.
Пхенян ҳамеша машқҳои муштараки низомии Сеул ва Вашингтонро маҳкум карда, онҳоро омодаи амалиёт барои ҳамла ба Кореяи Шимолӣ медонад.
Дар ҳоли ҳозир тақрибан 28 ҳазору 500 низомии амрикоӣ ва шумори зиёди таҷҳизоти ҳарбии ИМА дар Кореяи Ҷанубӣ мустақар мебошанд.
Dialog.tj
Хатти хабарҳо
14.11.2026 15:16
“Ирсоли силоҳу техникаи ҳарбӣ ва ҳимояти низомӣ”. Тоҷикистон бо “кулбори пур” ба барчидани таҳдидҳои фаромарзӣ меравад
Бархе ниҳодҳои ҷосусии кишварҳо ба ин натиҷа расидаанд, ки гурӯҳи террористии Толибон ҳанӯз як таҳдиди фаромарзӣ ва барои амнияту субот дар Осиёи Марказӣ метавонанд хатарофарин бошанд. Ин нигаронӣ аз он ҷо сарчашма мегирад, ки дар таркиби гурӯҳҳои террористии Толибон мухолифони деринаи ҳукуматҳои Осиёи Марказӣ, исломгароёни тундрав ва террористӣ ҳузур доранд.
14.11.2026 13:55
Тоҷикистон ва Малайзия ҳамкориҳоро дар соҳаи кишоварзӣ густариш медиҳанд
Душанбе ва Куала-Лумпур ният доранд ҳамкориҳоро дар бахшҳои обёрӣ, механикакунонии кишоварзӣ ва чорвопарварӣ густариш диҳанд. Ин масъала дар ҷараёни мулоқоти сафири Тоҷикистон дар Малайзия Ардашер Қодирӣ бо вазири кишоварзӣ ва амнияти озуқавории ин кишвар Муҳаммад Сабу баррасӣ шудааст.
14.11.2026 11:50
Аз хонае 23 ҳазор сомонӣ рабуд. Судшуда боз ба ҷиноят даст зад
Кормандони ШВКД-2 дар ноҳияи Шоҳмансур шаҳрванд Давлатов Дилшод, сокини 31-солаи шаҳри Душанберо бо гумони содир намудани ҷиноятҳои дуздӣ дастгир карданд.
14.11.2026 09:36
Мушкили техникӣ дар фурудгоҳҳои Амрико садҳо хатсайри ҳавоиро аз парвоз боз дошт
Мушкилоти техникӣ дар низоми иртиботии ҳаракати ҳавопаймоҳо дар Иёлоти Муттаҳидаи Амрико дар фаъолияти фурудгоҳҳо мушкилот ба вуҷуд оварда, боиси лағви парвозҳо шудааст. Ин мушкил парвозҳои ҳазорон хатсайри ҳавоиро ба таъхир гузоштааст.
14.11.2026 09:25
Мусобиқаи «King’s Cup 2026». Мунтахабҳои Тоҷикистону Уммон рақобат мекунанд
Имрӯз, 14-уми ноябр дар варзишгоҳи шаҳри Сисакети Тайланд бозиҳои даври ниманиҳоии мусобиқаи байналмилалии «King’s Cup 2026» баргузор мешаванд.
14.11.2026 08:28
Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”
Роберто Кардарелли, муовини директори Департаменти Ховари Миёна ва Осиёи Марказии Хазинаи байналмилалии асъор мегӯяд, ки вазъи қарзи давлатӣ ва муомилоти хориҷии Ҷумҳурии Тоҷикистон дар ҳоли ҳозир устувор аст ва бо ин далел, ба гирифтани қарз аз Хазинаи байналмилалии асъор ниёз надорад.
14.11.2026 08:16
Чопон барои сохмони мактабу беморхона ба Тоҷикистон кумаки бебозгашт кард
Тавре ки Сафорати Ҷопон дар Тоҷикистон хабар медиҳад, Ҳукумати Ҷопон барои татбиқи ду лоиҳа дар соҳаҳои маориф ва тандурустӣ ба Тоҷикистон кумаки бебозгашт дод.
13.11.2026 18:10
Мақомоти Тоҷикистону Ӯзбекистон дар бораи таъсиси корхонаҳои саноатӣ гуфтугӯ карданд
Тоҷикистон ва Ӯзбекистон тақвияти ҳамкориҳои саноатӣ, таъсиси корхонаҳои муштарак ва афзоиши маҳсулоти арзишмандро баррасӣ намуданд.
13.11.2026 18:05
Тоҷикистон барои ҳамгироӣ ба низоми энергетикии Осиёи Марказӣ талош дорад
Ҷумҳурии Тоҷикистон ҳадаф дорад ҳамкориҳоро бо кишварҳои минтақа дар соҳаи энергетика густариш дода, низоми барқи худро ба шабакаи ягонаи энергетикии Осиёи Марказӣ пайваст намояд. Рушди хатҳои интиқоли неруи барқ ва таҷдиди инфрасохтори мавҷудуда аз вазифаҳои асосӣ дар ин самт мебошад.
13.11.2026 18:01
Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад
Ширкати қазоқистонии истихроҷи тилло «Solidcore Resources» тасмим гирифтааст, ки бо Сарраёсати геологияи Ҷумҳурии Тоҷикистон корҳои иктишофиро барои пайдо намудани конҳои металлҳои қимматбаҳо дар Тоҷикистон оғоз кунад. Ҷониби Тоҷикистон бо ин ширкати қазоқӣ шартномаи панҷсоларо ба имзо расонд.
13.11.2026 16:00
Shohin Airlines ба чор минтақаи кишвар парвозҳои мунтазамро ба роҳ мемонад
АМИТ «Ховар» бо такя ба маълумоти Ширкати ҳавопаймоии Shohin Airlines хабар дод, ки парвозҳои мунтазами дохили дар самти Душанбе – Хоруғ, Душанбе – Хуҷанд, Душанбе – Бохтар ва Душанбе – Кӯлоб ба роҳ монда мешавад.
13.11.2026 15:33
Вазири корҳои хориҷӣ нусхаи эътимодномаи сафири Ветнам дар Тоҷикистонро қабул кард
Имрӯз, 13-уми ноябр вазири корҳои хориҷии Ҷумҳурии Тоҷикистон Сироҷиддин Муҳриддин сафири Фавқулода ва Мухтори Ҷумҳурии Сотсиалистии Ветнам дар Ҷумҳурии Тоҷикистон Нгуен Тхань Леро ба муносибати супоридани нусхаи эътимоднома қабул кард.