Вазорати амнияти дохилии Иёлоти Муттаҳидаи Амрико рӯзи чоршанбе эълон кард, ки 131 муҳоҷир аз Осиёи Марказиро, ки ғайриқонунӣ дар Амрико зиндагӣ мекарданд, ба Ӯзбекистон депорт кард. Ин ниҳоди амрикоӣ гуфт, ки муҳоҷирони депортшуда шаҳрвандони Ӯзбекистон, Қазоқистон ва Қирғизистон буданд.

Кристи Ноэм, вазири амнияти дохилии Иёлоти Муттаҳидаи Амрико гуфт: “Мо бесаброна интизори идомаи ҳамкорӣ бо Ӯзбекистон дар талош барои таҳкими амнияти муштарак ва пуштибонӣ аз волоияти қонун ҳастем”.

Доналд Трамп баъди расман оғоз кардан ба вазифаи президентӣ ҳушдор дод, ки миллионҳо муҳоҷири ғайриқонунӣ, ки дар Амрико ба сар мебарандро депорт хоҳад кард. Ҳукумати Доналд Трамп барои боз гардонидани муҳоҷирони ғайриқонунӣ роҳҳои наверо ба кишварҳои сеюми Амрикои Лотинӣ ташкил карда буд ва чанде қабл як марди ироқиро ба Руанда фиристод.

Демократҳо ва гурӯҳҳои ҳифзи ҳуқуқи инсон дар Амрико мегӯянд, ки сиёсатҳои таҳаҷҷумии Доналд Трамп нисбат ба депорти муҳоҷирон бар хилофи равандҳои қонунӣ сурат гирифта, дар баъзе маврид боиси ҷудо шудани оилаҳо шудааст.

Dialog.tj