Тоҷикистону Эрон масъалаҳои муҳоҷират ва ҳамкории консулиро баррасӣ карданд
Садир Жапаров бо сафари давлатӣ ба Тоҷикистон омад
Эмомалӣ Раҳмон: “Тоҷикистон барои рушди иқтисоди сабз ва ҳамкории озод дар минтақа омода аст”
Эмомалӣ Раҳмон ва Илҳом Алиев дар Ханкендӣ оид ба масоили густариши ҳамкориҳо гуфтугӯ намуданд
13.03.2025 09:59
Президентҳои Тоҷикистону Қирғизистон гузаргоҳҳои марзиро боз мекунанд
Эмомалӣ Раҳмон ва Содир Ҷабборов рӯзи 13-уми март дар як маросими онлайн марзи миёни Тоҷикистон ва Қирғизистонро боз хоҳанд кард. Дар ин хусус, расонаҳои Қирғизистон бо такя ба мақомоти вилояти Бодканд хабар медиҳанд.
Дар маросими кушодани гузаргоҳҳои Қайроғоч ва Қизил-Бел президентҳои ду кишвар ба таври онлайн иштирок хоҳанд кард.
Гузаргоҳҳои марзӣ миёни ду кишвар дар ҳоле боз мешавад, ки рӯзи 12-уми март президенти Тоҷикистон ба Қирғизистон сафар карданд. Тибқи иттилоъ, дар ин сафари дурӯза президентҳои ду кишвар созишномаи ниҳоии марзро имзо намуда, дар хусуси густариши ҳамкориҳои ҳамаҷониба гуфтугӯ хоҳанд кард.
Гузаргоҳи марзӣ миёни Тоҷикистон ва Қирғизистон дар пайи муноқишаҳои хунинӣ сарҳадӣ дар моҳи майи соли 2021 баста шуд. Муноқишаи хунини сарҳадӣ 28-уми апрели соли 2021 дар минтақаи сарҳадии обтақсимкунии “Головной” рӯй дода буд. Сарвазири онвақтаи Қирғизистон Улукбек Марипов гуфта буд, ки ҳаракат ба воситаи гузаргоҳҳо то пурра ҳал шудани мушкилоти марзӣ миёни Тоҷикистон ва Қирғизистон қатъ карда мешавад.
Гуфта мешавад, ки дар сафари Эмомалӣ Раҳмон ба Қирғизистон як қатор ҳуҷҷатҳои муҳимми ҳамкорӣ миёни ду кишвар ба имзо хоҳад расид. Баъди имзои созишномаи ниҳоии марз ҳар ду кишвар омодагии худро барои густариши муносибатҳо нишон медиҳанд. Дар сафари ахири сарвазири Қирғизистон Адилбек Қасималиев таъкид шуд, ки то соли 2030 ҳаҷми тиҷорат миёни ду кишварро ба 500 миллион мерасонанд.
Dialog.tj
Хатти хабарҳо
12.07.2025 10:26
Меҳрнигори Рустам: “Агар суруди миллиро намедонистам...”
Шоми гузашта дар шабакаҳои иҷтимоӣ як навори кӯтоҳе ба гардиш даромад, ки дар он сарояндаи шинохтаи тоҷик Меҳрнигори Рустам суруди миллиро қироат карда, дар мисраи дуюми он хато мекунад. Дар шарҳи навори мазкур корбарон ҳар гуна суханҳои қабеҳ гуфтанд.
12.07.2025 10:21
Ироқчӣ: “Агар Амрико кафолат диҳад, ки ба Эрон ҳамла намешавад, ба музокира бармегардем”
Сайид Аббос Ироқчӣ, вазири корҳои хориҷии Ҷумҳурии Исломии Эрон дар гуфтугӯ бо рӯзномаи “Ле Монд” –и Фаронса гуфт, ки Эрон ҳамеша ба музокирот бар асоси иззат, мантиқ ва эҳтироми мутақобил пойбанд буда. Ӯ дар ин хусус афзуд, ки ҳамеша миёни Эрон ва кишварҳои дигар тамосҳои дипломатӣ ҷараён дорад.
12.07.2025 10:07
Эмомалӣ Раҳмон оғози сохтмони корхонаи сурмаи Айниро расман эълон намуданд
Эмомалӣ Раҳмон, президенти Ҷумҳурии Тоҷикистон дар доираи сафари расмӣ ба ноҳияи Айнӣ ба таври маҷозӣ оғози сохтмони корхонаи истихроҷи сурмаи ҶСК “Паҳандра Майнинг”-ро эълон карданд. Дар ин бора дафтари матбуоти президенти Ҷумҳурии Тоҷикистон хабар додааст.
12.07.2025 09:48
Ӯзбекистон гузориши СММ дар бораи Гулнора Каримоваро беасос номид
Ҳукумати Ӯзбекистон ба изҳороти ахири Гурӯҳи кории Шурои ҳуқуқи башари СММ оид ба боздоштҳои худсарона, ки дар он масъалаи боздошти духтари президенти пешин Ислом Каримов — Гулнора Каримова баррасӣ шуда буд, вокуниш нишон дод.
12.07.2025 09:42
Дар Душанбе Иттиҳоди Аврупо бо кишварҳои Осиёи Марказӣ “диалоги зиддитеррористӣ” доир кард
Иттиҳоди Аврупо ва кишварҳои Осиёи Марказӣ рӯзи 11-уми июл дар шаҳри Душанбе аввалин муколамаи худ оид ба мубориза бо терроризмро доир намуданд. Дар ин бора намояндагии Иттиҳоди Аврупо дар Ҷумҳурии Тоҷикистон хабар додааст.
11.07.2025 10:26
Пизишкиён ба Шурои Аврупо ҳушдор дод: “Ҳамла ба Эрон бо посухи “қатъӣ ва пушаймонкунанда” рӯ ба рӯ хоҳад шуд”
Масъуд Пизишкиён, президенти Ҷумҳурии Исломии Эрон дар ҷараёни тамоси телефонӣ бо Антониу Кошта, раиси Шурои Аврупо дар хусуси вазъияти байналмилалӣ ва робитаҳои миёни Эрону Иттиҳоди Аврупо гуфтугӯ кард. Ӯ таъкид кард, ки такрори ҳар гуна таҷовуз бар зидди Эрон бо посухи “қатъӣ ва пушаймонкунанда” рӯ ба рӯ хоҳад шуд.
11.07.2025 10:10
Кори расмӣ дар Кореяи Ҷанубӣ. Аз корҷӯёни тоҷик чӣ талаб карда мешавад?
Агентии бакортаъмикунӣ дар хориҷаи Вазорати меҳнат, муҳоҷират ва шуғли аҳолии Ҷумҳурии Тоҷикистон хабар медиҳад, ки барномаи нави ҷалби шаҳрвандони кишвар барои кор дар Кореяи Ҷанубӣ оғоз шудааст.
11.07.2025 10:08
Чор голи беҷавоби “ПСЖ”. Оё “Реал Мадрид” аз ин бозӣ дарс мегирад?
Дар даври нимниҳоии Ҷоми ҷаҳонии бошгоҳҳо дастаҳои “ПСЖ”-и Фаронса ва “Реал Мадрид” рақобат карданд, ки дар натиҷа дастаи фаронсавӣ ба дарвозаи тими испанӣ чор голи беҷавоб зад.
11.07.2025 08:59
Муборизаи беамони полис бар зидди фолбину ҷодугарон. 90 нафар ба “панҷаи қонун” супурда шуданд
Раёсати Вазорати корҳои дохилии Ҷумҳурии Тоҷикистон дар шаҳри Душанбе тадбирҳои фаъолро барои пешгирии фаъолияти фолбин ва ҷодугарҳо идома медиҳад, то ин навъи фаъолияти ғайриқонунӣ пурра решакан гардад.
11.07.2025 08:52
Чин ва Ӯзбекистон мехоҳанд роҳи оҳани бисёрсамтаи Осиёи Марказиро густариш диҳанд
Вазирони нақлиёти Чин ва Ӯзбекистон дар ҷараёни мулоқоти дуҷониба ба ҳамкориҳои зерсохторӣ ва густариши лоиҳаҳои роҳи оҳан ва роҳҳои бисёрсамта дар доираи робитаҳои стратегии миёни ду кишвар таъкид намуданд.
11.07.2025 08:43
Ифтитоҳи гулгашт ва муҷассамаи Гулназар Келдӣ. Сафари Эмомалӣ Раҳмон аз ноҳияи Айнӣ оғоз шуд
Тавре ки хадамоти матбуоти Президенти мамлакат хабар медиҳад, имрӯз, 11-ум июл сафари кории Сарвари давлат муҳтарам Эмомалӣ Раҳмон дар ноҳияи Айнӣ бо ифтитоҳи гулгашт ва муҷассамаи Шоири халқии Тоҷикистон Гулназар Келдӣ оғоз ёфт.
10.07.2025 15:34
Тим Бурчет: “Амрико дар ҳар ҳафта ба Толибон 20 миллион доллар пул мефиристад”
Дар идомаи интиқодҳо аз сиёсатҳои Иёлоти Муттаҳида дар қиболи Афғонистон Тим Бурчет, намояндаи Ҷумҳурихоҳони Конгресси Амрико аз кумакҳои молии доимии Вашингтон ба гурӯҳи террористии Толибон парда бардошт. Ӯ эълон кард, ки давлати Амрико ҳар ҳафта 40 миллион доллар ба Толибон ирсол мекунад. Рақаме, ки ба гуфати ӯ, дар маҷмуъ то кунун ба тақрибан 5 миллиард доллар расидааст.