Дар пайи имзои докторинаи атомии нави Русия, ки Владимир Путин имзо кард ва ҳадафаш густариши қобилиятҳои ҳастаии ин кишвар аст, Чин хостори оромиш ва хештандорӣ дар ҷанги Украина шудааст.

Лин Сзяня сухангӯйи Вазорати корҳои хориҷии Чин эълон кард, ки дар вазъияти феълӣ тамоми ҷонибҳо ором бошанд ва хештандорӣ кунанд. Ӯ ҳамчунин, аз ҷонибҳо даъват карда, ки барои коҳиши танишҳо бояд бо якдигар аз тариқи гуфтугӯ ва машварат ҳамкорӣ кунанд.

“Мавқеи Чин барои ташвиқи ҳама тарафҳо ба кам кардани танишҳо ва муттаҳид шудан ба роҳи ҳалли сиёсии буҳрони Украина бидуни тағйир боқӣ мемонад. Чин ба ифшои нақши созанда дар ин замина идома хоҳад дод” – таъкид кард сухангӯйи Вазорати корҳои хориҷии Ҷумҳурии халқии Хитой.

Қобили зикр аст, ки Владимир Путин рӯзи сешанбе – 19-уми ноябр докторинаи атомии нави Федератсияи Русияро имзо кард. Тибқи муқаррароти нав Русия иҷоза дорад, ки дар сурати ҳимояти қудратҳои атомӣ аз Украина аз силоҳҳои атомӣ истифода кунад. Иқдоми тағйири докторинаи атомии Русия пас аз он сурат гирифт, ки Амрико ба Украина иҷоза дод, барои ҳамла ба хоки ин кишвар аз мушакҳои дурбурд истифода кунад.

Дар пайи нигарониҳои ҳастаӣ президенти Фаронса Эмануэл Макрон таъкид кард, ки Чин барои пешгирӣ аз ташниҳои мавҷуд нақши муҳим дорад.

Dialog.tj