Маҷлиси намояндагони Маҷлиси Олии Ҷумҳурии Тоҷикистон баъди баҳсу баррасиҳои зиёд “Қонун дар бораи соҳибкории иҷтимоӣ”-ро, ки ҳадафаш кумак ба қишри осебпазири ҷомеа аст, қабул кард. Дар ин бора дафтаи матбуоти Маҷлиси намояндагони Тоҷикистон хабар додааст.

Тибқи иттилои дафтари матбуоти Маҷлиси намоянадгони Ҷумҳурии Тоҷикистон рӯзи 13-уми ноябр таҳти раёсати Маҳмадтоир Зокирзода, раиси Маҷлиси намояндагон лоиҳаи қонуни мазкур ва ҳамчунин, Созишномаи қарзӣ байни Тоҷикистон ва Хазинаи ОПЕК оид ба рушди байналмилалӣ вобаста ба  татбиқи лоиҳаи НБО-и Роғун (Лоти 4) баррасӣ гардид. Тибқи иттилоъ дар робита ба ин ки оё созишнома қабул мешавад ё не, хабар нашр нашудааст.

Тибқи иттилои сомонаи Маҷлиси намояндагони Тоҷикистон “Қонун дар бораи соҳибкории иҷтимоӣ” бо ҳадафи баланд бардоштани сатҳи зиндагии ҷомеа, расонидани кумак ба гурӯҳҳои осебпазири аҳолӣ ва ҳалли мушкилоти иҷтимоӣ бо роҳи фароҳам овардани фазои мусоиди иқтисодӣ пешниҳод шудааст: “Дастгирии иҷтимоӣ на танҳо аз баамалбарории сиёсати якҷонибаи давлатии ҳифзи иҷтимоии гурӯҳҳои осебпазири аҳолӣ тавассути пардохти нақдӣ ва кумакҳои модӣ, балки аз фароҳам овардани шароити мусоид барои барқарор шудани қобилияти меҳнатӣ ва фарогирии иқтисодии онҳо иборат аст.”

Dialog.tj