Доналд Трамп, раисҷумҳури Амрико, гуфтааст, ки Вашингтон дар робита ба Эрон “пешрафти зиёде” ба даст овардааст ва Теҳрон хостори расидан ба созиш мебошад.

“Ал-Ҷазира” субҳи рӯзи шанбе, 7-уми ноябр, гузориш додааст, ки Трамп ин мавзуъро дар суҳбат бо хабарнигорон баён кардааст.

Бар асоси гузориш, раиси ҷумҳури Амрико иддао кардааст, ки неруҳои амрикоӣ ахиран як низоми дифои ҳавоии Эронро нобуд кардаанд.

Трамп иддао кардааст: “Мо ҳоло бо онҳо дар ҳоли ҳамкорӣ ҳастем. Онҳо мехоҳанд ба созиш бирасанд”.

Трамп ҳамчунин, истифодаи вожаи “ҷанг”-ро барои тавсифи ин рӯёрӯӣ рад карда ва гуфтааст, ки Иёлоти Муттаҳида алайҳи Теҳрон он чизеро, ки “бузургтарин муҳосира дар таърихи низомӣ” номидааст, ҷорӣ кардааст.

Ӯ бо баёни ин ки “мо дар ҳоли ҷанг нестем”, вазъи кунуниро аз ҷанги миёни Русия ва Украина фарқкунанда дониста ва иддао кардааст, ки дар ҳафт моҳи гузашта ҳеч яке аз неруҳои амрикоӣ кушта нашудаанд.

Бо вуҷуди ин, Трамп тасдиқ кардааст, ки неруҳои амрикоӣ ба иқдомоте даст задаанд, ки ӯ онҳоро “ҳамлаҳои ҷузъӣ” ба таҷҳизоти низомии Эрон тавсиф мекунад.

Dialog.tj