Владимир Зелинский, президенти Украина дар изҳороте гуфт, ки Аврупо ба ваъдаҳояш вафо намекунад ва Украина то кунун ҳамагӣ 10 фоиз аз кумакҳои тасдиқшудаи Конгресси Амрикоро ба даст овардааст.

Владимир Зелинский таъкид кардааст, ки Укрина ба кумакҳои Аврупо ниёзманд мебошад: “Конгресси Амрико дар моҳи апрел ирсоли бастаҳои кумакӣ ба арзиши беш аз 40 миллиард доллар ба Киевро тасдиқ кард, аммо мо то кунун фақат 10 дарсад аз онро дарёфт кардем, оё ин хандаовар нест?”

Президенти Украина гуфт, ки агар кумакҳои кишварҳои аврупоӣ, бахусус Амрико саривақт нарасад, неруҳои Украина дар ҷанг шикаст хоҳанд хӯрд ва қодир ба ҳимоя нахоҳанд буд.

Президенти Укрина чанд рӯз қабл таъкид карда буд, ки 11 ҳазор неруи артиши Кореяи Шимолӣ аз тарафи Русия вориди ҷанги Укрина шуданд ва ин зарбаи ҷиддӣ ба ҷабҳаҳои ҷанг дар Украина хоҳад зад. Вай афзудааст, аз эҳтимол дур нест, ки рӯзе Эрон ҳам барои ҳимоят аз Русия сарбозонашро ба Маскав бифиристад.

Dialog.tj