16 Ноябр 2026,
душанбе, 12:07, Душанбе
16.11.2026 08:40

Султони қочоқи маводи мухаддири Мексика даргузашт

Мигел Анхел Феликс Гаярдо, султони маъруфи маводи мухаддири Мексика, дар синни 80-солагӣ бар асари норасоии фаъолияти чанд узви бадан дар бемористон даргузашт.

Би-би-сӣ субҳи рӯзи душанбе, 16-уми ноябр, гузориш додааст, ки Феликс Гаярдо ба таври густурда ҳамчун яке аз бузургтарин қочоқчиёни маводи мухаддир дар таърих шинохта мешуд ва бо таъсиси иттиҳод байни гурӯҳҳои ҷинояткор дар Колумбия ва картели мексикоии худ шуҳрат дошт.

Бар асоси гузориш, Феликс Гаярдо, ки бо лақабҳои “Падархонда” ё “Раиси раисон” маъруф буд, раҳбари картели пурқудрати “Гвадалахара” ба шумор мерафт. Ин картел дар авҷи ривоҷи қочоқи кокаин дар даҳаи 1980 бар қочоқи маводи мухаддир дар Мексика ҳукмронӣ мекард.

Дар авҷи қудрати худ, картели Гвадалахара таҳти раҳбарии Феликс Гаярдо ба сиёсат ва фаъолияти мақомоти ҳифзи ҳуқуқи Мексика таъсир мерасонд ва тамоми шабакаҳои полис ва ҳукуматҳои иёлатиро таҳти назорат дошт.

Бо ин ҳол, дар соли 1985, пас аз шиканҷа ва кушта шудани як корманди мубориза бо маводи мухаддири Амрико бо номи Энрике Кики Камарена, ҳалқаи муҳосира дар атрофи раҳбарони картел тангтар шуд.

Қобили зикр аст, ки ӯ аз соли 1989 дар боздошт қарор дошт. Пас аз бад шудани вазъи саломатиаш ба бемористон интиқол ёфт ва дар он ҷо даргузашт.

Dialog.tj

Хатти хабарҳо

16.11.2026 10:13

Кремлин: Агар Аврупо ба сулҳ омада набошад, Русия аз неруи низомӣ истифода мекунад

Дмитрий Песков, сухангӯи Президенти Федератсияи Русия ҳушдор дод, ки агар Иттиҳоди Аврупо барои расидан ба созиши сулҳ дар масъалаи Украина омодагӣ надошта бошад, Русия метавонад барои амалӣ намудани ҳадафҳои худ аз неруи низомӣ истифода кунад.
14.11.2026 15:16

“Ирсоли силоҳу техникаи ҳарбӣ ва ҳимояти низомӣ”. Тоҷикистон бо “кулбори пур” ба барчидани таҳдидҳои фаромарзӣ меравад

Бархе ниҳодҳои ҷосусии кишварҳо ба ин натиҷа расидаанд, ки гурӯҳи террористии Толибон ҳанӯз як таҳдиди фаромарзӣ ва барои амнияту субот дар Осиёи Марказӣ метавонанд хатарофарин бошанд. Ин нигаронӣ аз он ҷо сарчашма мегирад, ки дар таркиби гурӯҳҳои террористии Толибон мухолифони деринаи ҳукуматҳои Осиёи Марказӣ, исломгароёни тундрав ва террористӣ ҳузур доранд.
14.11.2026 13:55

Тоҷикистон ва Малайзия ҳамкориҳоро дар соҳаи кишоварзӣ густариш медиҳанд

Душанбе ва Куала-Лумпур ният доранд ҳамкориҳоро дар бахшҳои обёрӣ, механикакунонии кишоварзӣ ва чорвопарварӣ густариш диҳанд. Ин масъала дар ҷараёни мулоқоти сафири Тоҷикистон дар Малайзия Ардашер Қодирӣ бо вазири кишоварзӣ ва амнияти озуқавории ин кишвар Муҳаммад Сабу баррасӣ шудааст.
14.11.2026 09:36

Мушкили техникӣ дар фурудгоҳҳои Амрико садҳо хатсайри ҳавоиро аз парвоз боз дошт

Мушкилоти техникӣ дар низоми иртиботии ҳаракати ҳавопаймоҳо дар Иёлоти Муттаҳидаи Амрико дар фаъолияти фурудгоҳҳо мушкилот ба вуҷуд оварда, боиси лағви парвозҳо шудааст. Ин мушкил парвозҳои ҳазорон хатсайри ҳавоиро ба таъхир гузоштааст.
14.11.2026 08:28

Роберто Кардарелли: “Тоҷикистон имрӯз ба қарзи Хазинаи байналмилалии асъор ниёз надорад”

Роберто Кардарелли, муовини директори Департаменти Ховари Миёна ва Осиёи Марказии Хазинаи байналмилалии асъор мегӯяд, ки вазъи қарзи давлатӣ ва муомилоти хориҷии Ҷумҳурии Тоҷикистон дар ҳоли ҳозир устувор аст ва бо ин далел, ба гирифтани қарз аз Хазинаи байналмилалии асъор ниёз надорад.