Сомонаи “Аксиос” ба нақл аз манобеъ дар Вазорати хориҷии Амрико гуфтааст, ки Марко Рубио, вазири хориҷии ин кишвар, рӯзи душанбе ва пас аз ба бунбаст расидани музокирот, аз ҳайати эронӣ хостааст, ки фавран хоки Амрикоро тарк кунанд.

Ин расона, рӯзи панҷшанбе, 1-уми октябр, ин мавзуъро ба нақл аз як мақоми амрикоӣ ва як манбаи огоҳ, бидуни зикри ном ва унвон, гузориш додааст.

Бар асоси гузориш, иқдоми Рубио як танбеҳи дипломатии бисёр ғайриоддӣ буд ва беэътимодии амиқ миёни ду кишварро дар авҷи талошҳои бенатиҷа барои миёнҷигарӣ ҷиҳати поён додан ба ҷанг ошкор сохтааст.

Дар гузориш омадааст, ки дар миёни касоне, ки дастури тарки Ню-Йоркро дарёфт карданд, ҳамтои эронии Рубио, Аббос Ироқчӣ, вазири корҳои хориҷаи Эрон, низ ҳузур доштааст.

Мақоми амрикоӣ гуфтааст: “Вазир Рубио ҳайати эрониро, ки бештар аз ҳадди иҷозашуда монда буданд, берун кард. Кори Маҷмаи умумии Созмони Милали Муттаҳид тамом шуда буд, бинобар ин, вақти он расида буд, ки бираванд”.

Ин дар ҳолест, ки рӯзи гузашта низ гузоришҳое аз ба бунбаст расидани талошҳои миёнҷии қатарӣ дар музокироти ғайримустақими Эрон ва Амрико нашр шуда буданд.

Dialog.tj