РУС ТОҶ
14 Ноябр 2026,
шанбе, 06:36, Душанбе
Диалог. Тоҷикистон ва ҷаҳон
РУС ТОҶ
Муноқишаи Русия ва Украина
25.09.2026 18:08

Зеленский барои дидор бо Путин омодагӣ нишон дод

Кремл аз даъвати Иёлоти Муттаҳида барои ҳузури Владимир Путин, раиси ҷумҳури Русия, дар нишасти ояндаи Гурӯҳи 20 кишвари бузурги иқтисодӣ (G20) истиқбол кардааст. Ҳамзамон, Владимир Зеленский, раиси ҷумҳури Украина, гуфтааст, ки барои мулоқот бо Путин дар ҳошияи ин нишаст омода аст.

Бар асоси гузориши расонаҳои байналмилалӣ, нишасти ояндаи G20 қарор аст рӯзҳои 14 ва 15-уми декабр дар шаҳри Майамаи ИМА баргузор шавад.

Дмитрий Песков, сухангӯи президенти Русия, тасдиқ кардааст, ки даъвати Амрико ба Маскав расидааст. Ӯ гуфтааст, ки масъалаи ширкат ё накардани Путин тавассути музокироти дипломатӣ муайян хоҳад шуд.

Песков аз даъвати Вашингтон истиқбол карда ва гуфтааст, ки Русия аз Амрико барои ин иқдом сипосгузор аст.

Зеленский: “Барои мулоқот бо Путин омодаам”

Владимир Зеленский низ гуфтааст, ки барои мулоқот бо Путин дар ҷараёни нишасти G20 омодагӣ дорад.

Ин дар ҳолест, ки ҷанг миёни Русия ва Украина идома дорад ва талошҳои дипломатӣ барои коҳиши таниш ва расидан ба роҳи ҳалли низоъ идома доранд.

Марко Рубио, вазири корҳои хориҷии ИМА, ахиран гуфтааст, ки то ҳол миёни Русия ва Украина дар бораи қатъи ҳамлаҳо ба зерсохторҳои муҳимми энергетикӣ тавофуқе ба даст наомадааст.

Рубио таъкид кардааст, ки эҳтимол дорад ҷанг танҳо бо шикасти яке аз тарафҳо поён наёбад ва барои расидан ба созиш музокирот зарур аст.

Пешниҳоди музокироти сегона

Зеленский ҳамчунин, гуфтааст, ки ИМА пешниҳоди баргузории музокироти ибтидоии Украина, Русия ва ИМА-ро дар Амороти Муттаҳидаи Араб пешниҳод кардааст.

Ба гузориши рӯзномаи “Правда”-и Русия аз қавли Зеленский, Вашингтон пешниҳод кардааст, ки пеш аз нишасти сегона дар сатҳи баланд, музокироти омодагӣ дар сатҳи техникӣ баргузор шавад.

Зеленский гуфтааст, Киев мунтазири пешниҳоди Амрико барои муайян кардани санаи ин музокирот аст.

Дар ҳамин ҳол, Кремл эҳтимоли аз сар гирифтани музокироти сулҳи сегона миёни Русия, Украина ва ИМА-ро рад накардааст. Бо вуҷуди ин, Маскав гуфтааст, ки ҳанӯз барои суҳбат дар бораи макони баргузорӣ ва санаи дақиқи чунин мулоқот барвақт аст.

Дар сурати амалӣ шудани ин музокирот, он метавонад яке аз талошҳои дипломатӣ барои баррасии роҳи коҳиши таниш ва ҳалли низои Русияву Украина бошад.

Dialog.tj

Хатти хабарҳо

Энергетика
13.11.2026 18:05

Тоҷикистон барои ҳамгироӣ ба низоми энергетикии Осиёи Марказӣ талош дорад

Ҷумҳурии Тоҷикистон ҳадаф дорад ҳамкориҳоро бо кишварҳои минтақа дар соҳаи энергетика густариш дода, низоми барқи худро ба шабакаи ягонаи энергетикии Осиёи Марказӣ пайваст намояд. Рушди хатҳои интиқоли неруи барқ ва таҷдиди инфрасохтори мавҷудуда аз вазифаҳои асосӣ дар ин самт мебошад.
Молия
13.11.2026 18:01

Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад

Ширкати қазоқистонии истихроҷи тилло «Solidcore Resources» тасмим гирифтааст, ки бо Сарраёсати геологияи Ҷумҳурии Тоҷикистон корҳои иктишофиро барои пайдо намудани конҳои металлҳои қимматбаҳо дар Тоҷикистон оғоз кунад. Ҷониби Тоҷикистон бо ин ширкати қазоқӣ шартномаи панҷсоларо ба имзо расонд.
Нақлиёт
13.11.2026 16:00

Shohin Airlines ба чор минтақаи кишвар парвозҳои мунтазамро ба роҳ мемонад

АМИТ «Ховар» бо такя ба маълумоти Ширкати ҳавопаймоии Shohin Airlines хабар дод, ки парвозҳои мунтазами дохили дар самти Душанбе – Хоруғ, Душанбе – Хуҷанд, Душанбе – Бохтар ва Душанбе – Кӯлоб ба роҳ монда мешавад.
Сиёсати хориҷӣ
13.11.2026 15:33

Вазири корҳои хориҷӣ нусхаи эътимодномаи сафири Ветнам дар Тоҷикистонро қабул кард

Имрӯз, 13-уми ноябр вазири корҳои хориҷии Ҷумҳурии Тоҷикистон Сироҷиддин Муҳриддин сафири Фавқулода ва Мухтори Ҷумҳурии Сотсиалистии Ветнам дар Ҷумҳурии Тоҷикистон Нгуен Тхань Леро ба муносибати супоридани нусхаи эътимоднома қабул кард.
Душанбе
13.11.2026 14:01

Дар пойтахт корхонаи коркарди металлҳои қиматбаҳо ва истеҳсоли ҷавоҳирот ифтитоҳ шуд

13-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Синои пойтахт ҷамъияти дорои масъулияти маҳдуди Зари Душанберо ифтитоҳ намуданд.
Амният
13.11.2026 14:00

Тоҷикистон аз аъзои СААД барои ҳифзи марзи Афғонистон кумаки бештар талаб кард

Тоҷикистон мехоҳад кишварҳои аъзои СААД (Созмони аҳдномаи амнияти дастаҷамъӣ) дар таъмини амнияти марзи Тоҷикистон бо Афғонистон масъулияти бештарро бар уҳда гиранд. Мақомоти тоҷик мегӯянд, бунёди дидбонгоҳҳои нав ва навсозии инфрасохтори сарҳадӣ кофӣ нест ва барои ин ҳимояти муштараки муттаҳидон зарур мебошад.
Афғонистон
13.11.2026 11:58

“Раванди сабз”-и Амруллоҳ Солеҳ қароргоҳи Толибон дар як мактаби Панҷшерро ба оташ кашид

“Раванди сабз” ба раҳбарии Амруллоҳ Солеҳ эълон кард, ки неруҳои ин гурӯҳ қароргоҳи Толибон дар як мактаби вилояти Панҷшерро оташ задаанд. Аммо масъулони мактаб гуфтаанд, ки сӯхтор дар ин мактаб ба фаъолияти неруҳои Амруллоҳ Солеҳ рабт надошта, бар асари такиши балони газ рӯй додааст.
Аврупо ва Америка
13.11.2026 11:51

Трамп: “Ҳар лаҳза омодаи ҳамла ба Эрон ҳастам”

Доналд Трамп, президенти Иёлоти Муттаҳидаи Амрико иддао кард, ки Вашингтон вазъияти Эронро зери назар дорад ва барои ҳамлаи эҳтимолӣ ба ин кишвар омода аст. Ӯ гуфт, дигар ИМА ба созиш бо Эрон ниёз надорад.
Русия
13.11.2026 11:43

Русия ҳамроҳи Оверчук ҳайати беш 70-нафараро ба Кобул фиристод

Русия бо роҳбарии муовини Сарвазири Федератсияи Русия Алексей Оверчук рӯзи 12-уми ноябр як ҳайати иқтисодии беш аз 70 нафараро ба Кобул фиристодааст. Ҳадафи ин сафар баррасии густариши тиҷорат ва ҷалби сармоя ба Афғонистон гуфта мешавад. Дар ин ҳайат беш аз 70 соҳибкор аз ширкатҳои мухталифи Русия ҳузур доранд.
Душанбе
13.11.2026 11:26

Сарвари давлат бинои шуъбаи бозрасии давлатии автомобилӣ дар шаҳри Душанберо ифтитоҳ намуданд

Имрӯз, 13-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Фирдавсии пойтахт бинои шуъбаи бозрасии давлатии автомобилии раёсати ВКД дар шаҳри Душанберо мавриди истифода қарор доданд.