РУС ТОҶ
14 Ноябр 2026,
шанбе, 06:36, Душанбе
Диалог. Тоҷикистон ва ҷаҳон
РУС ТОҶ
Амният
13.11.2026 14:00

Тоҷикистон аз аъзои СААД барои ҳифзи марзи Афғонистон кумаки бештар талаб кард

Тоҷикистон мехоҳад кишварҳои аъзои СААД (Созмони аҳдномаи амнияти дастаҷамъӣ) дар таъмини амнияти марзи Тоҷикистон бо Афғонистон масъулияти бештарро бар уҳда гиранд. Мақомоти тоҷик мегӯянд, бунёди дидбонгоҳҳои нав ва навсозии инфрасохтори сарҳадӣ кофӣ нест ва барои ин ҳимояти муштараки муттаҳидон зарур мебошад.

Тибқи иттилои сомонаи расмии СААД Насрулло Маҳмудзода, раиси кумитаи Маҷлиси намояндагони Маҷлиси Олии Тоҷикистон оид ба тартиботи ҳуқуқӣ, мудофиа ва амният рӯзи 10-уми ноябр дар конфронс бахшида ба 20-солагии Ассамблеяи парлумонии СААД дар Маскав ин масъаларо матраҳ кард.

Насрулло Маҳмудзода вазъи Афғонистонро яке аз омилҳои муҳимми таъсиррасон ба амнияти Осиёи Марказӣ арзёбӣ карда, ҳифзи сарҳади ҷанубии Тоҷикистонро масъалаи муҳим барои тамоми кишварҳои узви созмон донист.

Тоҷикистон бо Афғонистон тақрибан 1400 километр сарҳад дорад.

Дар ин конфронс Насрулло Маҳмудзода иттилоъ дод, ки дар ду-се соли охир дар минтақаҳои сарҳадӣ беш аз 80 дидбонгоҳи нав бунёд гардидааст. Ин иншоот бо таҷҳизоти муосир ва инфрасохтори зарурӣ таъмин шудаанд, аммо ба гуфтаи ӯ, чунин тадбирҳо бе иштироки шарикони минтақавӣ наметавонанд тамоми мушкилоти ҳифзи сарҳадро ҳал кунанд.

“Талошҳои танҳо Тоҷикистон барои таъмини боэътимоди ҳифзи сарҳад кофӣ нестанд”, - гуфт Насрулло Маҳмудзода.

Ӯ аз кишварҳои узви СААД даъват кардааст, ки уҳдадориҳои худро дар доираи Барномаи байнидавлатии мақсаднок оид ба таҳкими марзи Тоҷикистону Афғонистон дар муҳлатҳои муайяншуда иҷро намоянд.

Барномаи зикршуда рӯзи 28-уми ноябри соли 2024 дар шаҳри Остона тасдиқ шуда буд. Он ба рушди ҳамкориҳои кишварҳои узв барои беҳтар кардани имкониятҳои ҳифзи сарҳади Тоҷикистон равона шудааст.

Дар конфронс Насрулло Маҳмудзода ба ҳамоҳансозии қонунгузории милллии кишварҳои узви СААД ишора намуда, гуфт, идомаи ин раванд дар доираи барномаи фаъолияти Ассамблеяи парлумонии созмон барои солҳои 2026–2030 аҳамияти муҳим дорад. Ӯ изҳори умедворӣ кард, ки раёсати Тоҷикистон дар СААД дар соли 2027 ба идомаи ҳамкориҳои муштарак ва таҳкими эътимод миёни кишварҳои узв мусоидат хоҳад кард.

Dialog.tj

Хатти хабарҳо

Энергетика
13.11.2026 18:05

Тоҷикистон барои ҳамгироӣ ба низоми энергетикии Осиёи Марказӣ талош дорад

Ҷумҳурии Тоҷикистон ҳадаф дорад ҳамкориҳоро бо кишварҳои минтақа дар соҳаи энергетика густариш дода, низоми барқи худро ба шабакаи ягонаи энергетикии Осиёи Марказӣ пайваст намояд. Рушди хатҳои интиқоли неруи барқ ва таҷдиди инфрасохтори мавҷудуда аз вазифаҳои асосӣ дар ин самт мебошад.
Молия
13.11.2026 18:01

Як ширкати қазоқӣ дар Тоҷикистон аз қаъри замин кони металҳои рангаро ҷустуҷӯ мекунад

Ширкати қазоқистонии истихроҷи тилло «Solidcore Resources» тасмим гирифтааст, ки бо Сарраёсати геологияи Ҷумҳурии Тоҷикистон корҳои иктишофиро барои пайдо намудани конҳои металлҳои қимматбаҳо дар Тоҷикистон оғоз кунад. Ҷониби Тоҷикистон бо ин ширкати қазоқӣ шартномаи панҷсоларо ба имзо расонд.
Нақлиёт
13.11.2026 16:00

Shohin Airlines ба чор минтақаи кишвар парвозҳои мунтазамро ба роҳ мемонад

АМИТ «Ховар» бо такя ба маълумоти Ширкати ҳавопаймоии Shohin Airlines хабар дод, ки парвозҳои мунтазами дохили дар самти Душанбе – Хоруғ, Душанбе – Хуҷанд, Душанбе – Бохтар ва Душанбе – Кӯлоб ба роҳ монда мешавад.
Сиёсати хориҷӣ
13.11.2026 15:33

Вазири корҳои хориҷӣ нусхаи эътимодномаи сафири Ветнам дар Тоҷикистонро қабул кард

Имрӯз, 13-уми ноябр вазири корҳои хориҷии Ҷумҳурии Тоҷикистон Сироҷиддин Муҳриддин сафири Фавқулода ва Мухтори Ҷумҳурии Сотсиалистии Ветнам дар Ҷумҳурии Тоҷикистон Нгуен Тхань Леро ба муносибати супоридани нусхаи эътимоднома қабул кард.
Душанбе
13.11.2026 14:01

Дар пойтахт корхонаи коркарди металлҳои қиматбаҳо ва истеҳсоли ҷавоҳирот ифтитоҳ шуд

13-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Синои пойтахт ҷамъияти дорои масъулияти маҳдуди Зари Душанберо ифтитоҳ намуданд.
Амният
13.11.2026 14:00

Тоҷикистон аз аъзои СААД барои ҳифзи марзи Афғонистон кумаки бештар талаб кард

Тоҷикистон мехоҳад кишварҳои аъзои СААД (Созмони аҳдномаи амнияти дастаҷамъӣ) дар таъмини амнияти марзи Тоҷикистон бо Афғонистон масъулияти бештарро бар уҳда гиранд. Мақомоти тоҷик мегӯянд, бунёди дидбонгоҳҳои нав ва навсозии инфрасохтори сарҳадӣ кофӣ нест ва барои ин ҳимояти муштараки муттаҳидон зарур мебошад.
Афғонистон
13.11.2026 11:58

“Раванди сабз”-и Амруллоҳ Солеҳ қароргоҳи Толибон дар як мактаби Панҷшерро ба оташ кашид

“Раванди сабз” ба раҳбарии Амруллоҳ Солеҳ эълон кард, ки неруҳои ин гурӯҳ қароргоҳи Толибон дар як мактаби вилояти Панҷшерро оташ задаанд. Аммо масъулони мактаб гуфтаанд, ки сӯхтор дар ин мактаб ба фаъолияти неруҳои Амруллоҳ Солеҳ рабт надошта, бар асари такиши балони газ рӯй додааст.
Аврупо ва Америка
13.11.2026 11:51

Трамп: “Ҳар лаҳза омодаи ҳамла ба Эрон ҳастам”

Доналд Трамп, президенти Иёлоти Муттаҳидаи Амрико иддао кард, ки Вашингтон вазъияти Эронро зери назар дорад ва барои ҳамлаи эҳтимолӣ ба ин кишвар омода аст. Ӯ гуфт, дигар ИМА ба созиш бо Эрон ниёз надорад.
Русия
13.11.2026 11:43

Русия ҳамроҳи Оверчук ҳайати беш 70-нафараро ба Кобул фиристод

Русия бо роҳбарии муовини Сарвазири Федератсияи Русия Алексей Оверчук рӯзи 12-уми ноябр як ҳайати иқтисодии беш аз 70 нафараро ба Кобул фиристодааст. Ҳадафи ин сафар баррасии густариши тиҷорат ва ҷалби сармоя ба Афғонистон гуфта мешавад. Дар ин ҳайат беш аз 70 соҳибкор аз ширкатҳои мухталифи Русия ҳузур доранд.
Душанбе
13.11.2026 11:26

Сарвари давлат бинои шуъбаи бозрасии давлатии автомобилӣ дар шаҳри Душанберо ифтитоҳ намуданд

Имрӯз, 13-уми ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Фирдавсии пойтахт бинои шуъбаи бозрасии давлатии автомобилии раёсати ВКД дар шаҳри Душанберо мавриди истифода қарор доданд.